Kasalukuyang nasa Sorsogon ang Kapuso actress na si Heart Evangelista upang dumalo sa isang local event doon.
Ang Sorsogon ang hometown province ng mister niyang si Senator Chiz Escudero.
Ayon kay Heart, sobrang hectic ng schedule niya mula noong Linggo, October 29, kung saan sumama siya sa official delegation ni President Rodrigo Duterte sa three-day working visit nito sa Japan.
Sabi ng bida ng My Korean Jagiya, “Ang saya naman... medyo hectic.”
Nakausap ng PEP.ph (Philippine Entertainment Portal) si Heart, sa pamamagitan ng direct messaging sa Instagram, ngayong Huwebes, November 2.
Isa sa mga ikinatuwa ng followers ni Heart sa Instagram ay ang larawan niya kasama ang re-elected Japanese prime minister na si Shinzo Abe.
Kuwento ni Heart tungkol sa pagkikita nila ng prime minister ng Japan, “I was so honored to meet the PM of Japan.
“It was a pretty hectic schedule coming from taping, Cebu, Japan, and now in events in Sorsogon, but it was fulfilling and I learned a lot.”
Deadma naman ang Kapuso actress sa ilang kumukuwestiyon sa pagsama niya kay Senator Chiz kahit hindi naman daw siya government worker.
"Hayaan na," pagkikibit-balikat niya.