Umani ng batikos mula sa ilang netizens ang pagpapa-tattoo ni Ulysses Lustre, ama ng aktres na si Nadine Lustre, ng semicolon sign at ng hashtag na "Keep Going" sa kanyang kanang kamay.
Ang semicolon at “#keepgoing” hashtag ay mga simbolo ng pagsuporta sa mga taong nakararanas ng depression, addiction, self-injury, at suicide.
Sa kanyang Facebook post noong Lunes, October 16, ibinahagi ng ama ni Nadine ang larawan ng kanyang tattoo.
Kaagad niya itong sinundan ng video, kung saan ipinapakita pa rin ang bagong tattoo.
Maririnig si Ulysses na sinasambit ang mga salitang: “Para sa ‘yo ‘to, anak… constant reminder… Keep going.”
Ang tinutukoy na "anak" ni Ulysses ay si Isaiah Lustre, ang 16-anyos na binatang pinaniniwalaang nagbaril sa kanyang ulo noong October 7.
Base sa mga huling blog entries ni Isaiah, dumaan siya sa matinding depression at nagtangka na ring kitilin ang sariling buhay noon.
EXAGGERATION? Ayon sa ilang netizens na nagkomento sa Facebook post ng ama ni Nadine, "exaggeration" ang ginawa nitong pagpapa-tattoo.
Sinagot naman ito ni Ulysses sa pamamagitan ng panibagong FB post nitong Miyerkules, October 18.
Ipinaliwanag niyang ang kanyang pagpapa-tattoo ay may kabuluhan at hindi pagpapasikat lamang.
Pahayag ni Ulysses, “#KeepGoing... An exaggeration?...In my heart I know that what I'm doing is for a better purpose and I'm not asking for anything in return. I'm just making a huge sacrifice for Isaiah."
Dagdag pa niya, ito raw ay reminder na ang depression ay totoo at may mga taong nakararanas nito.
“The more moral support the more this awareness will burn. This is not an issue of popularity anymore.
"This is an issue of unselfishness to make a concrete example that this sickness is here.”
Kung mayroon man daw mga taong nag-iisip na “exaggerated” ang kanyang ginawa, mananahimik na lamang siya.
“And If I can help find a cure, I would gladly sacrifice my anonymity. And even myself.
If this is exaggerated, then I should keep this to myself and try to be selfish like the people who say this is.”