Pagkatapos ng halos isang taong pamamahinga mula sa paglabas niya sa telebisyon, muling nagbabalik na ang award-winning comedienne na si Rufa Mae Quinto-Magallanes at tila meron siyang mga hashtags na #FitnessGoals at #BalikAlindog.
Two weeks ago ay napanood siya sa investigative crime drama ng ABS-CBN na Ipaglaban Mo bilang comeback niya sa pag-arte.
Marami ang nakapansin na hindi pa nakakabalik sa kanyang dating figure si Rufa Mae at halata pa rin ang kanyang bilugang katawan.
Kaya sa kanyang Instagram noong nakaraang October 4, nag-post ang komedyante na suot ang isang slimming corset para mabilis niyang ma-achieve ang kanyang dating sexy figure.
Inamin naman ni Rufa Mae na hindi raw madaling magpapayat lalo na’t noong pinagbubuntis niya ang kanyang baby na si Alexandria ay kain lang daw siya nang kain.
Pero hindi pa naman daw huli ang lahat para sa kanya at sa ibang mommies na gustong bumalik ang dating figure.
Para-paraan lang daw kung paano maging sexy ulit tulad ng ginagawa niya ngayon.
Heto ang post niya:
May isa pang bagay na hashtag kay Rufa Mae at ito ay #ProudMama dahil pinost din niya sa IG ang latest photo ng baby niyang si Alexandria who just turned 7 months old.
Sa naturang photo ay sinabi niyang nagti-teething na raw ito.
Sunud-sunod na ang mga TV apperances ni Rufa Mae at ang latest na pinost niya sa IG ay ang guesting niya sa The Lolas’ Beautiful Show, ang morning talk show ng mga Kalyeserye Lolas na sina Nidora (Wally Bayola), Tidora (Paolo Ballesteros) at Tinidora (Jose Manalo).
Caption niya rito: “Nice to make people laugh ! Watch us on Monday #thelolasbeautifulshow”