Lubos ang pasasalamat ni dating Senador Jinggoy Estrada dahil nakalabas na siya sa Philippine National Police (PNP) Custodial Center sa Camp Crame, ngayong Sabado, Setyembre 16.
Dakong 12:30 ngayong tanghali nang makalabas ang senador pagkatapos magpiyansa ng P1.33 million.
Tatlong taon na-detain si Estrada, kasama ang kaibigan at kapwa-dating senador na si Ramon “Bong” Revilla Jr., dahil sa pagkakadawit ng kanilang pangalan sa P10-billion pork barrel scam noong 2013.
“Unang-una, nagpapasalamat ako sa ating Panginoon, nagpapasalamat ako sa Sandiganbayan, at sa lahat ng mga nanalangin at dasal para sa akin…,” maikling pahayag ni Estrada sa video na in-upload ni Kevin Manalo sa Twitter.
Na-interview ng press si Jinggoy habang nakasakay ito sa coaster.
Sa resolusyon ng Sandiganbayan Special 5th Division, sinabi ritong walang matibay na ebidensiya na si Jinggoy ay siyang “main plunderer” ng pork barrel scam.
Sinabi rin ditong ang itinuturong mastermind ng scam na si Janet Lim-Napoles ang may “extensive control” sa scam.
first family picture of estrada family after he is declared a "free man" following his temporary liberty. @gmanews @gmanewsbreaking pic.twitter.com/NbB4bTlq6X
— Bernadette Reyes (@bernadettereyes) September 16, 2017