Inalmahan ni Bb. Pilipinas-International 2017 Mariel de Leon ang desisyon ng Supreme Court na magkaroon ng temporary restraining order (TRO) sa distribusyon ng contraceptives sa bansa.
Ayon sa anak ng mga aktor na sina Christopher de Leon at Sandy Andolong, ito ay malinaw na pag-alis sa karapatan ng mga kababaihan.
Noong nakaraang linggo, nagdesisyon ang Supreme Court na maglabas ng TRO sa pagdi-distribute ng contraceptives sa bansa.
Sa sunud-sunod niyang tweets nitong Miyerkules, May 17, binanggit ni Mariel ang ilan sa mga pinagdadaanang hirap ng mga babae pagdating sa kalusugan.
TRO on contraceptives. Birth control pills are slowly going away. What will you do when they're all gone? Let's take our bodies back.
— Mariel de Leon (@mariaangelicadl) May 17, 2017
What about women with PCOS, acne, severe dysmenorrhea, irregular period, etc.?
— Mariel de Leon (@mariaangelicadl) May 17, 2017
What about our freedom of choice when it comes to family planning? What about women's health?
— Mariel de Leon (@mariaangelicadl) May 17, 2017
Ayon pa sa beauty queen, ang ipinasang TRO ng Supreme Court ay malinaw na pagtanggal sa karapatan ng mga kababaihan pagdating sa family planning.
Diin niya, hindi “pro-life” ang pagtanggal ng access sa mga babae sa mga bagay na makabubuti para sa kanilang kalusugan.
You're not "pro life" if you deprive women of something that's good for our health and our future.
— Mariel de Leon (@mariaangelicadl) May 17, 2017
Sinagot din ni Mariel ang isang netizen na nag-tag ng artikulong nagdudulot daw ng abortion ang contraceptives.
Aniya, napatunayan nang hindi nagiging sanhi ng aborsiyon ang mga kontraseptibo. May mga paalala at impormasyon din daw sa lalagyan ng mga kontraseptibo.
@aymchat Contraceptives are proven safe and do not cause abortion. Thats why there are directions and information on the box. Be informed.
— Mariel de Leon (@mariaangelicadl) May 17, 2017
Bago ito, nasangkot din sa kontrobersiya si Mariel nang almahan niya ang pagkakatalaga sa singer-blogger na si Mocha Uson bilang Presidential Communications Operations Officer Assistant Secretary for Social Media.