Nagpakawala na naman ng mga mura si Pangulong Rodrigo Duterte sa kanyang “birthday message” para kay dating Pangulo at ngayo’y Manila Mayor Joseph “Erap” Estrada.
Ginanap ang 80th birthday celebration ni Erap sa Manila Hotel, nitong Miyerkules ng gabi, April 19.
Isa si Pangulong Duterte sa mga espesyal na bisita ni Erap at nagbigay pa ng talumpati na tumagal ng 45 minutes.
Ngunit maliban sa pagbati sa birthday celebrator, kinuha rin ni Duterte ang pagkakataon upang buweltahan ang ilan sa kanyang mga kritiko; kabilang na rito ang Simbahang Katoliko, ang ABS-CBN, at ang Philippine Daily Inquirer.
Ayon kay Duterte, ang kanyang mga sinasabi ang mga gustong sabihin nina Mayor Erap at former President Gloria Macapagal-Arroyo, pero hindi nagawa ng mga ito dahil mga disenteng tao raw ang dalawa.
“Lahat ng ‘yan, gusto niyang sabihin, hindi niya masabi. Disenteng tao, e.
“Dito ka sa akin, [expletive], leche ka, bababuyin kita nang bababuyin, araw-araw!
“Anong sabi niya [referring to an oligarch], he can make and unmake a president? [Expletive] Sige, subukan mo, then one day you will just…
“For so many years, ‘yan ang gusto niyang sabihin, hindi niya masabi.
“Alam ko, maski si Ma’am Gloria… look how much she has suffered.”
SLOGAN OF THE CATHOLIC CHURCH. Patuloy ng Pangulo, “Nakita ko kanina ang [old headline] ng Inquirer, ‘Anybody but Erap.’
“That was the slogan of the Catholic Church.
“Nangyari ho sa akin ‘yan, Sir, ‘Anybody but Duterte.’
“Ang ginagawa sa akin, ginawa sa inyo noon.
“Wala akong problema diyan, Sir. Medyo manhid na tayo diyan.
“Sanay na tayo diyan, araw-araw. It’s our daily bread.
“Tayo, Sir, nagsisikap.
“Alam ko nagsikap ka rin, that we really try our best to give the utmost to our country and we are ready to be criticized.
“Pero huwag naman sana bastusan na. Talagang harap-harapan.”
Banat pa ni Duterte sa mga opisyales ng Catholic Church, “Look, prangkahan ko kayong lahat…
“I took my oath before the people and promised to God that I will protect and defend the Filipino people.
“Kung ano ang gagawin ko, in the coming days, problema nila.
“Huwag mo kaming gawing inutil dito just because there’s Supreme Court, there’s the law.
“Marami akong faults, many many faults.
“Pero yung corruption, wala kang maano sa akin. Hindi ko laro ‘yan.”
Biro pa ni Duterte, “Babae pa… kaya nga dalawa ang asawa ko.
“Gawin mong tatlo, hindi ko na kaya.
“Pero kung meron, okey lang, sige."
DUTERTE'S ILLNESS. Nagkuwento rin si Duterte tungkol sa karamdaman niya, ang Buerger’s disease.
Ayon sa mayoclinic.com, ang Buerger’s disease o thromboangiitis obliterans “is a rare disease of the arteries and veins in the arms and legs.”
Ang mga nagkakaroon daw ng ganitong klaseng sakit ay yung mga taong naninigarilyo.Saad ni Pangulong Duterte, “Ako, nag-oxygen pa, kasi yung Buerger’s disease, ang circulatory system ko, sira.
“So kapag tulog ako, mahina ang inhale ko, short lang, so I have to have free oxygenation.”
Tanong pa ni Duterte sa mga bisita ni Erap: “Ilan tayong 72 years old dito?”
Nang walang magtaas ng kamay, itong pabirong sabi ng Pangulo: “Walang isa? Napakasinungaling naman ninyo! Harap-harapan pa, ako lang ang mag-amin?!”