Matipid ang komento ni Gabby Concepcion tungkol sa reunion movie nila ng ex-wife niyang si Sharon Cuneta.
"Hindi ko alam, e, kahit naman anong movie, open naman ako.
“Pero nasa schedule kung papasok," sabi ng aktor sa panayam ng PEP.ph (Philippine Entertainment Portal).
Sa ngayon ay busy si Gabby sa commitments niya bilang contract star ng GMA Network, una na rito ang hit afternoon series niyang Ika-6 Na Utos.
Marami sa mga tagahanga nina Sharon at Gabby ang naghihintay sa kanilang reunion movie.
Pero kibit-balikat lang ang tugon ng aktor nang tanungin kung posibleng matuloy pa ito.
"Basta ang importante is the script, kahit saan mo dalhin 'yan, ang priority is the script talaga."
Dagdag pa ni Gabby, "Anytime, kapag may time. Pero ang hirap sa akin, walang time.
”Meron ngang ibang production na gustong mag-shoot sa akin.
“Tumira na ko ng indie, yung Beyond the Crescent Moon, after nun, ang dami nang pumapasok.
"Kaso naging busy kami dito sa Ika-6 Na Utos, meron pang Tsuperhero na matatapos na, merong Uge.
“Lahat ng mga Channel 7 shows uunahin ko, priority ko sila.
"May contract ako sa kanila, signed for two years.
“So maya't maya, sinasaksak nila ako sa mga events, sa mga promo."