Sinagot ni Diego Loyzaga ang ilang bashers na bumatikos sa kanya kaugnay pa rin ng away nila ng kanyang amang si Cesar Montano.
February 7 nang maglabas ng sama ng loob si Diego sa kanyang social media account laban kay Cesar.
Dito, binanggit ni Diego ang pagbabanta umano sa kanya ni Cesar na ipapadampot ito sa pulis kapag hindi nito tinigil ang diumano’y paggamit ng droga.
Sinabi pa ni Diego na pinalayas daw siya sa bahay na ibinigay sa kanya ng ama.
Sa Twitter noong February 8, may ilang netizens na sinagot si Diego dahil sa pambabatikos at pagbabanta sa kanya.
Sunud-sunod ang tweet ng netizen na may user name na @GAYlacierda kay Diego at kinukutya ang aktor sa umano’y paggamit ng drugs nito.
Sagot naman ni Diego sa pagkutya sa kanya ng netizen, “[D]i mo alam gaano ka kaswerte na tanggap ka ng tatay mo at mahal ka niya. Di ko alam kung anong feeling nun. Di natin away to.”
Tinanggap pa ni Diego ang hamon ng netizen na sabay silang magpa-drug test sa Philippine Drug Enforcement Agency.
Isa pang netizen, na may Twitter handle na @SofiaAn59859439, ang pinagbantaan si Diego na ilalabas niya ang ebidensiya niyang video na nagpapakita umano na nagwi-weed ang binatang aktor kasama ang mga kaibigan nito.
Sinagot ito ni Diego at sinabi nitong naghihintay lang siya sa ebidensiyang ilalabas ng netizen.
Tila nahimasmasan naman si Diego nang mag-tweet ang isang tagasuporta nito at hinimok siya na sumagot sa mga tagasuporta nito kesa sagutin ang mga bashers niya.
Tama. Tama na sagutin mga bashers. Salamat sa mga sumuporta. Waste of time n tweets. Sa positive nalang tayo mag focus. https://t.co/4nHmIGpVpH
— Diego Loyzaga (@loyzagadiegs) February 8, 2017
Samantala, naglabas na rin ng panig si Cesar tungkol sa isyu at sa pamamagitan ng spokesperson nito na si Shirley Pizarro ay sinabi niyang concern lamang siya sa anak at gusto niya itong mapabuti.