Muli na namang napuna ng netizen si Solenn Heussaff dahil sa kanyang Instagram post.
Nitong weekend ay ibinahagi ng Encantadia actress ang ilang larawan ng kanyang bagong artwork.
Sa kabila ng maraming papuring natanggap niya, isang netizen ang ikinumpara si Solenn sa kaibigan at kapwa nito Kapuso actress na si Heart Evangelista.
Sabi ng IG user na @maheart_kita: "You are just heart's makeup artist way back, but now you are stealing her ideas."
Maayos naman siyang sinagot ni Solenn: "@maheart_kita ive been painting [s]ince i was 3. And heart is a friend. So be kind."
Magkasama sina Solenn at Heart sa remake ng pelikulang Temptation Island at ilang programa sa GMA Network katulad ng teleseryeng Legacy (2012).
Kaugnay ng isyung ito, agad na dinepensahan ng ilang followers ang Taste Buddies host.
Samantala, narito ang ilang pang celebrities na nahuhumaling din sa pagpipinta: In photos: 12 actors and their artworks