Inamin ng Kapuso actress Max Collins na hindi siya close sa girlfriend ni Tom Rodriguez na si Carla Abellana.
Leading man ni Max si Tom sa GMA-7 primetime teleserye na Someone To Watch Over Me at meron silang mga intimate scenes na baka ikaselos daw ni Carla.
Pero naniniwala naman si Max na maiintindihan ni Carla ang mga eksena nila ni Tom dahil artista rin ito tulad niya.
“I’m not close to Carla, pero kapag nagkikita naman kami sa mga events or sa GMA, nagbabatian naman kaming dalawa.
“Professional naman si Carla. She knows na trabaho lang lahat and she has nothing to be worried about.
“Sa tingin ko naman kay Carla, open-minded siyang tao and she’s a smart person.
“Maiintindihan niya ang mga ginagawa namin ni Tom sa teleserye.
“Kaya hindi naman siya siguro magagalit or magseselos,” pahayag ni Max sa naging panayam ng PEP.ph (Philippine Entertainment Portal) sa kanya sa press launch ng Someone To Watch Over Me.
Maging si Tom daw ay ina-assure si Max na walang magiging problema with Carla dahil very supportive pa raw ito sa kanilang teleserye.
“Coming from Tom, nakakawala ng kaba, di ba?
“Kasi nga, hindi naman kami that close ni Carla kaya ayokong magkaroon ng anumang problema sa amin because of the scenes na ginagawa namin ni Tom.
“It’s good to know na okey naman pala with her.
“And it’s nice to know that Carla is very supportive sa teleserye namin.
“Siguro one of these days, kapag nagkita kami ni Carla, I will personally thank her for the support,” ngiti pa ni Max.
FINALLY ADMITS RELATIONSHIP WITH PANCHO. Noong inamin na nga ni Max ang kanyang relationship with Kapuso hunk Pancho Magno, mas naging magaan na raw ang lahat dahil wala na raw silang tinatago ni Pancho sa maraming tao.
Sa October ay magse-celebrate sila ni Pancho ng kanilang 4th anniversary bilang mag-boyfriend at girlfriend.
Noong nakaraang 24th birthday ni Max last August 28, hindi na tinago ni Pancho ang pagiging sweet niya sa kanyang girlfriend sa harap ng mga bisita nito.
“Before kasi, we were denying pa. Lagi lang namin sinasabi na we’re exclusively dating.
“But now, okey na that we make it public. Malalaman din naman ‘yan sooner or later.
“Tsaka we’re proud of our relationship. Pancho has been a very understanding boyfriend.
“People think of him as parang masyadong brusko, mayabang or suplado. But really, he’s a very nice person inside and out.
“He’s very God-fearing. Siya pa ang nagsama sa akin sa church and since then naging active na ako sa Victory Greenhills.
“We attend regular Bible studies. Si Pancho pa ang parating nagre-remind sa akin na kahit gaano ako pagod sa work, hindi ko dapat makalimutan ang magsimba,” diin pa ni Max.
Wala pa raw sa plano nila ang magpakasal dahil marami pa raw silang gustong gawin ni Pancho sa kanilang careers.
Pag-amin niya, “Hindi pa kami ready to start our own family.
“Sa ngayon, we both want to achieve more sa careers namin. We are thankful to God na pareho kaming busy.
“I don’t feel a need to rush into things.
“Alam ni Pancho that I’m helping my family and I want din na maayos muna sila bago ko asikasuhin ang sarili ko.
“It makes me happy to know that my family is secure. Yun naman ang gusto ko from the start.”
INT'L. INDIE FILM. Bukod sa teleserye na Someone To Watch Over Me, may tinatapos na international indie film si Max titled Footprints on the Moon (Mga Apak sa Buwan) mula sa direksyon ni Jan Xavier Pacle.
Lahad niya, “Tapos na ang mga scenes dito sa Pilipinas. Ang mga scenes na lang sa Qatar ang isu-shoot namin.
“Hindi pa kami matuloy umalis kasi nagkakaroon ng conflict sa schedules ng cast.
“Tulad ko, may regular teleserye ako kaya mahirap akong mawala.
“Pero hopefully, matapos na namin kasi ang ganda ng story.”
Originally ay si Alden Richards ang kasama ni Max sa Footprints on the Moon. Pinalitan na siya ng indie actor na si Jess Mendoza at kasama rin sa movie ang TV5 actor na si Akihiro Blanco.