Nilinaw ng Philippine National Police (PNP) na wala silang hawak na listahan ng mga celebrity na diumano’y gumagamit ng illegal drugs, taliwas sa kumalat na balita kamakailan.
Read: Billy Crawford slams inclusion in 'list' of celebs using illegal drugs
Ayon kay PNP spokesperson Senior Supt. Dionardo Carlos, “There are names given, but to say that there’s a current list, wala tayong inilalabas na listahan.
“Ang tanong kasi diyan, yung listahan ninyo, kanino nanggaling?
“Yung gumawa ng listahan, listahan ba ‘yan ni Aling Bekya, listahan ng utang?
“Wala tayong inilalabas na listahan.
“But there are reports, information that there are members sa business na ‘yan na involved din sa past, and these are being validated.”
Sinabi rin ni Senior Supt. Carlos na isa sa posibleng rason kung bakit natututong gumamit ang ilang artista ng illegal drugs ay dahil sa nature ng trabaho ng mga ito.
“Merong report na sa style ng trabaho ninyo na it takes long hours on the set, everybody wants to be up in the wee hours of the morning.
“These are those reported to be using.
“Ang sa atin lang, maiwasan. Kung ikaw gumagamit, maiwasan, at matukoy ang mga nagtutulak.”
Pinuri naman ni Senior Supt. Carlos ang hakbang ng ilang celebrities na sumailalim sa voluntary drug testing; kagaya nina Luis Manzano, Cogie Domingo, Patrick Garcia, at Baron Geisler.
Kamakailan din ay naglabas ng statement ang Star Magic na 40 sa kanilang talents ang nagpa-drug test na rin; kabilang sina Enrique Gil, Diego Loyzaga, at Jake Cuenca na negatibo naman daw ang resulta.
Read: Enrique Gil, Jake Cuenca, Diego Loyzaga, other Star Magic artists volunteer to undergo drug testing
Pahayag ni Senior Supt. Carlos, “Good move sa artists to do their voluntary drug test to show they’re clean.
“That’s a good move on their part to stop, kesa mapangalanan ka, then you will be on your defense.
“Regarding TV networks, mayroon ding effort to make sure that their workplace is drug free, that their talents ay hindi mga users.
“There are managements that are taking that part for their clients, maganda yun.”
May mensahe rin ang PNP spokesperson sa mga artistang involved sa illegal drugs ngunit nagdadalawang-isip pang sumuko.
Saad niya, “Do not wait to be named.
“Do not wait that evidences are brought out to show that you are involved or using drugs.
“Take the preventive steps of coming out saying, ‘I am a user, I don’t want to use, I want to rehab, I want the change.’
“The necessary change and care can be accorded to you.”