News Local News

Box-office director Wenn Deramas dies after cardiac arrest

The showbiz industry mourns the death of Wenn Deramas.

by Erwin Santiago

Published Feb 29, 2016

Box-office director Wenn Deramas succumbed to cardiac arrest earlier today, February 29.

Pumanaw na ang box-office director na si Wenn Deramas dahil sa cardiac arrest ngayong umaga, February 29.

Siya ay 49 years old.

Kinumpirma ng matalik na kaibigan ni Direk Wenn na si June Rufino ang malungkot na balitang ito sa panayam niya sa Teleradyo ngayong umaga.

Ayon kay June, unang isinugod sa Capitol Medical Center ang isang kapatid ni Direk Wenn na dead on arrival (DOA) na.

Nang sumunod daw si Direk Wenn sa ospital ay ito naman ang inatake, na ikinasawi rin ng kanyang buhay.

Bumuhos naman agad ang pakikiramay ng ilan sa kasamahan sa industriya ng yumaong direktor sa social media:

Isang napakalungkot na araw. Sagad hanggang buto ang lungkot. Paalam Direk Wenn. Mahal na mahal kita.
— jose marie viceral (@vicegandako) February 28, 2016

Saddening news that breaks my heart. Paalam Nay. I miss you and love you so much Direk Wenn. ???
— Anne Curtis-Smith (@annecurtissmith) February 28, 2016

Oh what a sad, shocking news to wake up to. Rest in peace, direk Wenn Deramas.
— Tonette, Tonette (@tonetjadaone) February 28, 2016

Really sad to hear the news.
RIP Direk Wenn Deramas we will miss your brilliancy as an artist and as a dear friend.
— Dingdong Avanzado (@iamdingdong_A) February 28, 2016

just got the sad news... grabe.... RIP direk wenn... :( di ako makapaniwala..
— kim chiu (@prinsesachinita) February 29, 2016

My heart is crushed by the news of direk Wenn Deramas passing due to cardiac arrest. Rest in paradise. #wennderamas
— Don C Allado (@alotofDON) February 29, 2016

I love you and I will miss you direk wenn... Rest in peace.
— IG: @MarvinAgustin (@marvin_agustin) February 28, 2016

Noong 2013 ay nagkaroon ng mild stroke si Direk Wenn, dahilan upang pansamantala muna siyang tumigil sa pagdidirek sa pelikula at telebisyon.

Kilala si Direk Wenn sa kanyang comedy films na halos lahat ay pumatok sa takilya, partikular na ang mga pelikulang pinagbidahan ni Vice Ganda.

Ilan sa mga idinirek niyang mga pelikula ang mga sumusunod: Ang Tanging Ina (2003), Volta (2004), D' Lucky Ones (2006), Ang Cute Ng Ina Mo (2007), Petrang Kabayo (2010), The Unkabogable Praybeyt Benjamin (2011), This Guy's In Love With U Mare (2012), Sisterakas (2012), Girl Boy Bakla Tomboy (2013), The Amazing Praybeyt Benjamin (2014), at ang huling pelikula niyang Beauty and the Bestie (2015).

Sa telebisyon naman ay si Direk Wenn ang nagdirek ng ilan sa di malilimutang teleserye ng ABS-CBN; kabilang rito ang Mula Sa Puso, Saan Ka Man Naroroon, Sa Dulo Ng Walang Hanggan, Marina, Kampanerang Kuba, Walang Kapalit, Dyosa, Kahit Puso'y Masugatan, at ang huli niyang teleserye na Flordeliza.

Sa gaganaping 47th Box Office Entertainment Awards sa April 17 ay isa si Direk Wenn sa pararangalan bilang Most Popular Director, kasama si Cathy Garcia-Molina.

Sa Arlington Memorial Chapels, sa Araneta Avenue, Quezon City, ibuburol ang mga labi ni Direk Wenn.

ADVERTISEMENT - CONTINUE READING BELOW ↓