Puspusan na ang paghahanda ng TV5 entertainment reporter na si MJ Marfori para sa nalalapit na church wedding nila ng GMA-7 news reporter na si Oscar Oida sa January 30, sa San Agustin Church, Intramuros, Manila.
Subalit kamakailan lang ay nadawit ang pangalan ni MJ sa balita tungkol sa rumored relationship nina John Lloyd Cruz at Bea Alonzo.
Si MJ ang itinuturong source ng balita na mas pinili diumano ni John Lloyd na pumunta sa Hong Kong kasama si Bea, kaysa samahan sa New York ang kanyang girlfriend na si Angelica Panganiban.
Hindi lingid sa kaalaman ng lahat na ang matagumpay na tambalan nina Bea at John Lloyd ay onscreen lamang.
Bago nagtapos ang 2015, naging box-office success ang pelikulang A Second Chance nina John Lloyd at Bea.
Nang makausap ng PEP si Marfori, sinabi nito na misquoted siya ni DJ Mo Twister sa Twitter post nito noong January 13.
So MJ Marfori just told us on @GTWMPodcast that John Lloyd and Bea are really together as a couple, overlapping. Chismis!! Hahaha
Mo Twister (@djmotwister) January 13, 2016
Paglilinaw ni MJ, "Na-misquote ako dahil sa post ni Mo sa Twitter.
"Tinanong niya ako kung anong kumakalat sa showbiz beat.
"Ang sabi ko, 'From the grapevine, ALLEGEDLY, pinag-uusapan na sa mga pahayagan na wala na nga raw sina Angelica and John Lloyd, and kumakalat na nagkaka-develop-an na sila ni Bea.'
"Nagulat na lang ako na bigla siyang nag-tweet ng ganoon.
"Na-misquote ako and I cited sources na previous days, yun ang kumakalat sa mga pahayagan and showbiz beat."