Pagkatapos humingi ng paumanhin sa AlDub Nation dahil sa gulong idinulot ng kanyang posts sa Twitter, kasunod namang nag-apologize ang direktor ng Sunday Pinasaya na si Rich Ilustre kina Alden Richards at Maine Mendoza.
Sa pamamagitan ng Twitter ay ipinahatid ni Direk Rich ang kanyang paumanhin sa dalawa nitong Martes ng gabi, December 8:
Logged on to offer my heartfelt apologies to @aldenrichards02 for my mistaken posts and all the damage that resulted from it.
— Rich Ilustre (@RichIlustre) December 8, 2015
It's a totally humbling lesson to see the power of 1 unintentional word or click. But I accept all responsibility 4 d effects of my mistake.
— Rich Ilustre (@RichIlustre) December 8, 2015
And most especially to @mainedcm I am sorry for the misunderstanding. Know that I consider myself not just your director but also a friend.
— Rich Ilustre (@RichIlustre) December 8, 2015
Matatandaang noong Lunes, December 7, ay naging usap-usapan sa social media ang pagla-like ni Direk Rich sa isang Twitter post ng fan na tila lumalait kay Maine.
Hindi ito nagustuhan ng hukbo ng mga tagahanga nina Alden at Maine, ang AlDub Nation.
Lalo pang nagpuyos ang galit ng AlDub fans dahil diumano sa sagot ni Direk Rich sa tanong ng isang follower niya kung ang girlfriend ba sa tunay na buhay ni Alden ay si Julie Anne San Jose.
Kumalat kasi ang screen shot na "yup" ang sagot ng direktor.
Pero napag-alamang in-edit lang ito at "nope" ang tunay na sagot ni Direk Rich.
Dahil dito ay nauna nang humingi ng dispensa ang Sunday Pinasaya director sa AlDub Nation dahil sa nangyari.
Read: Sunday Pinasaya director apologizes to AlDub Nation
Ngayong Linggo, December 13, ay nakatakdang mag-guest si Maine sa Sunday Pinasaya, kung saan mainstays sina Alden at Julie Anne.
Tiyak na aabangan ng marami kung matutuloy pa rin ang paggi-guest ni Maine sa kabila ng nangyari.