Hindi raw naging problema ng magkasintahang sina Elmo Magalona at Janine Gutierrez ang agwat ng kanilang edad.
Mas bata ng limang taon si Elmo, 20, sa nobya nitong si Janine, 25.
Ayon kay Elmo, magkasundo naman sila ni Janine sa halos lahat ng bagay, puwera na lamang sa pagdesisyon sa ibang mga usapin tungkol sa kanilang relasyon.
Saad ng Kapuso heartthrob, “I think we do.
"Pero decisions... well, that's what good naman to us, kasi we really compromise with each other.
“Pero in terms with, like age, we don't really even think about the age when we started.
“So, wala namang problema.”
Nakausap ng PEP.ph (Philippine Entertainment Portal) si Elmo sa launching nito bilang isa sa bagong endorsers ng Century Tuna, nitong Martes ng gabi, March 17, sa New World Hotel, Makati City.
LOVERS GETAWAY? Ngayong summer, balak magbakasyon nina Elmo at Janine sa isang beach o farm.
Ayon kay Elmo, “Yes, kasi ngayon lang kami naging freee din. At least, one whole weekend lang.
“Palawan. I want to go to Palawan. Coron or El Nido.”
Pahinga muna si Elmo sa kasalukuyan dahil katatapos lang ng teleserye nila ni Janine na More Than Words.