Are Marjorie and daughter Julia reaching out to Claudine Barretto?

Kasunod ng balitang pagbabati ni Julia Barretto at ng amang si Dennis Padilla, tila nakikipagkasundo na rin ang batang aktres at ang kanyang inang si Marjorie Barretto kay Claudine Barretto.

Inilathala ng PEP.ph (Philippine Entertainment Portal) ngayong Huwebes, February 26, ang recent post ni Julia sa kanyang Instagram account kung saan makikitang masaya sila ng kanyang ama, pahiwatig na nagkabati na sila.

Read: Did Julia Barretto and her dad Dennis Padilla kiss and make up?

Nag-ugat ang hidwaan ng mag-ama matapos maglabas ng sama ng loob si Dennis dahil sa hindi umano pagpansin kanya ni Julia sa isang event noong December 2014.

Read: PEP EXCLUSIVE. Dennis Padilla snubbed by daughter Julia Barretto in a Christmas party

JULIA CALLS CLAUDINE "BEAUTIFUL." Ngayong araw ay nag-post ang headwriter sa ABS-CBN na si G3 Sandiego ng larawan nila ni Claudine nang magkita sila sa opisina ng Viva Entertainment, Inc.

Sa nasabing post, sinariwa ni G3 ang matagal na pagkakaibigan nila ni Claudine, nung nasa bakuran pa ng ABS-CBN pa ang aktres.

Still so beautiful after all these years. Always been a fan of @claubarretto. We go way back. She was my first host in ASAP, did her wedding special in Tagaytay and did two teleseryes with her. So many memories. Today was such an emotional encounter. And whatever has been said about her, she was always very nice and sweet to me.❤️

A photo posted by G3 San Diego (@g3cafe) onFeb 26, 2015 at 12:13am PST

Sa comment section, pinakaunang nagkomento si Julia, pamangkin ni Claudine.

Ani Julia sa kanyang tita: “She looks so beautiful!!!”

Nag-comment naman ang iba para sabihing natuwa sila sa pagpuri ni Julia sa kanyang tita.

MARJORIE MENTIONS CLAUDINE. Sa Instagram account naman ni Marjorie (@marjbarretto), ipinost niya ang larawan ni Julia kasama si Batangas Governor Vilma Santos noong February 22, Linggo.

Posibleng kuha ang nasabing larawan sa dressing room ng MOA Arena kung saan ginanap ang ASAP 20th anniversary special.

Sa caption ng nasabing post, ibinahagi ni Marjorie na ang paboritong pelikula ng kanyang anak ay ang Anak (2000), na pinagbidahan nina Vilma at Claudine.

Kaya raw itong panoorin ni Julia nang paulit-ulit.

Sa March 10 ay magdiriwang na ng kanyang 18th birthday si Julia.

Julia's favorite movie is the movie Anak of Ms. Vilma Santos and Claudine. She can watch it over and over again. Tonight she came home so excited to tell me she met her idol... She's still screaming with excitement. 💜💜💜

A photo posted by marjbarretto (@marjbarretto) onFeb 22, 2015 at 7:11am PST

Sa comment section, marami ang natuwa at naniniwalang ang pagbanggit ni Marjorie sa pangalan ni Claudine ay hudyat na gusto na niyang maayos ang hidwaan sa pagitan nilang magkapatid.