Sabay na nag-guest nang live sina Sarah Geronimo at Gerald Anderson sa The Buzz noong Linggo, December 4.
Ito ay para personal silang makapagpasalamat sa lahat ng mga nanood ng kanilang ikalawang pelikula, ang Won't Last A Day Without You ng Star Cinema at Viva Films.
Inanunsiyo ni Toni Gonzaga sa programa na kumita na raw ang pelikula nina Sarah at Gerald ng P50 million sa loob lamang ng apat na araw ng pagpapalabas nito sa mga sinehan.
Sabi naman ni Sarah tungkol sa tagumpay ng kanilang pelikula: "Sobrang happy. Sobrang overwhelming talaga itong nangyayaring ito."
Hindi ikinaila ni Sarah noong nagpo-promote pa lang sila ng pelikula na matindi ang pressure sa kanya dahil sa magkakasunod na tagumpay sa takilya ng mga pelikulang co-produced ng Star Cinema at Viva Films—ang No Other Woman at Praybeyt Benjamin.
Pero ngayon, ipinapahiwatig ng anunsiyo sa The Buzz na mauungusan pa ng Won't Last A Day Without You ang kinita ng unang pelikula nina Sarah at Gerald na Catch Me I'm In Love.
"Mabait si Papa God," nakangiting sambit ni Gerald tungkol dito.
FAST-TALK INTERVIEW. Sumunod dito ay sinimulan na ni Toni ang "fast-talk interview" niya kina Sarah at Gerald kunsaan mabilisan nilang sasagutin ang mga katanungan sa kanila.
Narito ang kanilang naging usapan:
Toni: "Gerald, kung hahalikan mo si Sarah, saan bahagi ng katawan niya mo siya hahalikan?"
Gerald: "Sa lips!"
Toni: "Oh, my god! Why naman sa lips? Mommy Divine [Geronimo, Sarah's mom], I'm very sorry for that."
Gerald: "Maganda po kasi ang lips niya."
Toni: "Sa lips ha...agad-agad, walang pakundangan."
Toni: "Sarah, kung isang ulam si Gerald, anong ulam siya?
Sarah: "Lechon."
Toni: "Bakit lechon?"
Sarah: "Kapag masyadong marami, delikado."
Toni: "Parang sinasabi mo, kapag maraming Gerald, delikado?"
Sarah: "Kapag nasobrahan ka ng admiration sa isang Gerald Anderson, delikado. Deadly siya, e. Deadly!"
Gerald: "Bakit naman ako naging deadly?"
Toni: "Kapag nasobrahan ka, hindi na gusto yun, mahal mo na siya?"
Sarah: "Hindi, kasi masyadong gentleman, masyadong maasikaso."
Toni: "Nahulog ang loob mo?"
Sarah: "Huh? Gumaan ang loob. Ha-ha-ha!"
Toni: "Sarah, fill in the blank, Gerald makes me ____?"
Sarah: "Smile again."
Toni: "What did I tell you? What did I tell you noong last interview natin? Someday, a man will come into your life and make you forget that your heart was ever broken.
"Was that man Gerald? Kasi, sinabi mo, napapangiti? What made you smile again with Gerald?"
Sarah: "Hindi, kasi ano siya, e, mabait at maasikaso."
Toni: "'Yan din ang sagot mo kanina. What's happening to you Sarah? Tingin ko lang, kinikilig ka kapag katabi mo si Gerald.
"Anyway, ini-interpret ko lang naman ang mga actions nila.
"Gerald, ano ang ireregalo mo kay Sarah this Christmas?"
Gerald: "Wow! Tingnan na lang natin kapag nag-guest ulit ako sa The Buzz, sasabihin ko sa 'yo."
Toni: "Ayokong tingnan. Sige, mahirap kapag material things. If there's anything that you would want to give her, what would it be?"
Gerald: "Puwedeng ano, puwedeng Christmas dinner na lang?"
Toni: "Why Christmas dinner? Kayo lang?"
Gerald: "Siyempre, kasama ang family."
Toni: "Pamamanhikan na agad? Family gathering? Pagbibigyan mo ba [Sarah] ang dinner na yun?"
Sarah: "Mommy?"
Toni: "Pagbigyan mo na, Christmas dinner lang naman. Mommy [Divine], ano ba?... Talagang ako raw ang nagalit kay Mommy!"
Toni: "Ten is the highest, i-rank ninyo ang isa't isa bilang boyfriend-girlfriend material."
Gerald: "Ten po. Sa pagkakilala ko sa kanya, 10 po talaga."
Sarah: "Hindi ko alam kasi hindi ko pa naman siya ganoon kakilala. Puwede ba kitang mas makilala? Ha-ha-ha!"
Gerald: "Puwede..."
Toni: "Ano raw? Mas nag-focus kasi ako hinawakan mo [Sarah] yung kamay ni Gerald. Napapadalas ang hawakan n'yo ng kamay. Dapat ang theme song ng movie, 'If We Hold On.'
"Gerald, what's the best thing about Sarah?
Gerald: "Bukod sa beauty? Yung ugali niya. Pagiging mabait, malambing. Kung ano yung pagmamahal niya sa pamilya niya."
Sarah: "Wow! What's the best thing about you [Gerald]? That's his pure heart.
"Pero, hindi ko pa siya masyadong kilala no'n, 'no? Ha-ha-ha! Yung kindness na lang niya."
Toni: "Nag-holding hands ba talaga kayo noong premiere night?"
Gerald: "Oo. Opo, siyempre. Siyempre, leading lady ko po si Sarah at premiere night namin yun. Special night para sa amin. Inaalalayan ko lang naman."
Toni: "Kumusta naman ang holding hands ninyo? Nasaan si Mommy [Divine]? Hanggang cast party raw."
Sarah: "Honestly, na-touch naman ako. Na, wow, itong si Gerald, hindi man lang nag-let go. Parang consistent siya sa pag-alalay sa leading lady niya."
Toni: "Mami-miss n'yo ang isa't isa after this movie?"
Gerald: "Oo, oo naman."
Sarah: "Oo naman."