Ayon sa pahayag ni Joey de Leon kanina sa StarTalk TX, April 16, nakausap ng StarTalk TX ang nag-iisang anak ni Miss Pilar Pilapil na si Pia Pilapil hinggil sa nangyari sa kanyang ina. Humihingi daw ng paumahin si Pia sa kanilang patuloy na pananahimik tungkol sa nangyari.
Mismong si Miss Pilar Pilapil na raw kasi diumano ang nakiusap na huwag muna silang maglabas ng anumang pahayag.
In due time ay magsasalita rin daw sila tungkol sa naturang insidente.
Nakiusap si Pia na hayaan munang maka-recover at makapagpagaling ang kanyang butihing ina.
Isinugod sa ospital ang beteranang aktres matapos na magtamo ng maraming saksak sa katawan noong madaling-araw ng Abril 15. Ayon sa police report, hinihinalang biktima ng carjacking ang dating beauty queen.