Nagkaroon ng special screening kagabi, August 13, sa UP Diliman Cine Adarna ang dalawang pelikula na isinulat ng award-winning writer na si Jerry Gracio.
Unang ipinalabas ang Magdamag na kinatampukan nina Rita Avila at Edgar Allan Guzman. Sumunod naman ang Muli starring Sid Lucero and Cogie Domingo. Parehong lumalahok sa Cinemalaya film festival ang dalawang indie films.
Ang Muli ay base sa Palanca award-winning screenplay ni Gracio tungkol sa relasyon ng isang underground activist at isang abogado sa Baguio City that spans three decades. Masusubukan ng panahon ang kanilang pagmamahalan sa kabila ng mga komplikasyon at problema na haharapin nila.
"STRICTLY FOR ADULTS." Usap-usapan ang Muli dahil sa na-hold off ang pagbibigay ng rating ng Movie and Television Review and Classification Board (MTRCB) para dito. Nagmungkahi ang censors board na bawasan ang ilang eksensa sa pelikula. Ang hinihingi si Direk Adolf ay R-18 rating, na ang ibig sabihin ay strictly for adults ang screening nito at walang cuts.
"They had a film review. They wanted to cut, actually to shorten some scenes in the beginning. But I told them that I didn't want to cut the film. They told me after their deliberations the rating is on hold and they will do a second review. It's the first time that they have issued an on-hold rating," kuwento ng direktor pagkatapos ng viewing ng kanyang pelikula kagabi.
Hindi ito ang unang pagkakataon na makabangga ng direktor ang MTRCB. Nabigyan noon ng X rating ang kanyang pelikulang Aurora.
"Yung problema lang naman namin is after ng first review is pinapa-shorten nila yung ilang scenes... Sabi ko kasi, I want na yung integral version yung ipalabas. After noon, deadlock na kami kasi wala nga. They won't give an 'X.' Sabi nila, on-hold yung rating. 'Tapos, for second review na daw," sabi ni Direk Adolf.
Ang ganang kanya raw, "Why shorten a 44-second scene? When you shorten it [to] 22 seconds or 30 seconds, ganoon pa din. It's still the same. Just show the film in its integral version because we're just asking for an R-18, not a GP [for general patronage] or PG [with parental guidance]."
Aniya, "My problem ko lang with it is because their rule says that for you to have a second review, it should be X. Hindi ko lang din alam ang isasagot ko when people ask me about it. As of now, on hold siya kasi hindi ko pa alam."
ALL THE WAY TO MALACAÑANG. Naniniwala si Direk Adolf na may laban ang pelikula niya na mabigyan ng angkop na rating na mapapanood ng lahat.
"Kung gusto nila bigyan ng X yung film, bigyan na nila. I think kaya hindi nila mabigyan ng X kasi hindi naman siya puwede bigyan ng X. The more na lumakas ang loob ko na ilaban at huwag putulan yung film kasi the audience deserves it and they're intelligent. 'Saka naniniwala naman ako na hindi ko ito ginawa to arouse. Kasi the film can speak for itself," pahayag niya.
Magsasagawa ng second review ang MTRCB sa Lunes, August 16. Kaakibat nito ay ang pagbayad ng fee para sa second review. Para kay Direk Adolf, wala silang magagawa kundi sundin ang hinihingi ng MTRCB para magkapag-second review.
"Sana maintindihan nila kapag nag-explain ako sa Monday tungkol sa film. Kung hindi nila maintindihan, itutuloy ko lang."
Hangad naman ni Direk Adolf na huwag na umabot pa sa Malacañang ang isyung ito.
"Sila [MTRCB] na magde-decide. Kasi confident naman ako sa product. Kasi kita ko naman sa mga nanood so far na wala naman problema. Pero kung aabot sa Malacañang, try pa rin natin kasi democracy naman ito."
Importante para kay Direk Adolf na masunod ang proseso sa puno't dulo.
"I will follow the process no matter how other people say na 'dubious' [ito] kasi wala nga ganoong rule dati. Ang importante lang para sa akin is mapalabas siya in its integral version," pagtatapos ng direktor.