Naging very firm si Anne Curtis na huwag munang magbigay ng detalye o magsalita tungkol sa kanyang lovelife during her solo press conference for the movie In Your Eyes at Greenwich in SM City North Edsa yesterday, August 10.
Marami kasi ang gustong magtanong kay Anne at alamin ang katotohanan sa balitang break na raw sila ng rumored non-showbiz boyfriend niyang si Erwan Heussaff.
"Well, I've learned from my past experience na, you know, whoever you are dating or seeing someome, it's really best to leave them out of it. Kasi, doon nagiging sticky, nagkakaisyu, na minsan, imbento na lang. Minsan, nakakaapekto. So, as much as possible, in respect siyempre to his family and to him, ayoko na lang siyang nadadamay," paliwanag ng young actress.
Sinegundahan naman ng PEP (Philippine Entertainment Portal) ng tanong si Anne kung okay ba sila ngayon ni Erwan?
"Yeah, yeah..." sagot niya. "Yung mga rumors na lumalabas na we're not okay...we're fine. So, itigil na natin do'n... If you guys follow me on Twitter, you'll see naman na we're okay. So, yun na yun."
ATTEMPT ON SARAH'S FATHER. Dahil parehong nasa bakuran ng Viva Entertainment at ABS-CBN sina Anne at Sarah Geronimo, hiningan din ng reaksiyon si Anne sa diumano'y pagtangkang dukutin ang ama ni Sarah na si Mr. Delfin Geronimo sa parking lot ng ABS-CBN. (CLICK HERE to read related story.)
Kuwento ni Anne, "I met with her right away nang malaman ko what almost happened sa daddy ni Sarah. Sabi niya, 'Salamat sa Diyos, okay naman si Daddy.' Ako, 'Si Mommy Divine? Kumusta naman?' Siyempre, baka nataranta yun. Pero naging okay naman.
"I think, it's really sad na people come to desperate measures na talaga. Na parang it goes to show how much nangangailangan ang mga tao ngayon, and I think, it's sad that it has to go to that extent. Pero wala, e. We just have to be very careful, be wary. Bago ka magbukas ng pintuan, bago ka sumagot or kumausap ng isang stranger, just be sure. Not to be alone, if possible."
Naisip ba niya to have her own bodyguard dahil sa nangyari sa ama ni Sarah?
"Wala naman, hindi ko naman kailangan yata ng bodyguard. But to be extra careful, I'm surrounded with so many people all the time. Apat na bakla ang kasama ko araw-araw. So, tingin ko, safe naman ako," sabi ni Anne.