Nalaman kaagad ng PEP (Philippine Entertainment Portal) ang tagumpay ng veteran actress na si Gina Pareño sa 3rd Hong Kong Asian Film Festival (HKAFF) dahil sa text message na ipinadala niya sa amin ngayong gabi, March 23.
"Hi, Mahal, nanalo tayo!" ang masayang balita ni Gina na tumanggap kanina ng Best Supporting Actress award para sa performance niya sa Serbis (Service), na kabilang sa Cineasta Delights category ng (HKAFF).
Personal na tinanggap ni Gina ang kanyang international acting award sa gabi ng parangal na ginanap kanina sa Hong Kong Convention and Exhibition Center.
Apat na aktres mula sa ibang Asian countries, na kinabibilangan din ni Jaclyn Jose na nominated din para sa Serbis, ang tinalo ni Gina sa Best Supporting Actress category.
Nominado sa Best Director category si Dante Mendoza para pa rin sa Serbis, na in competition sa prestihiyosong Cannes Film Festival last year.
Ito ang kumpletong listahan ng mga nanalo sa 3rd Hong Kong Asian Film Festival:
Best Film: Tokyo Sonata (Japan, Hong Kong, and The Netherlands)
Best Director: Kore-Eda Hirokazu (Still Walking, Japan)
Best Actor: Motoki Masahiro (Departures, Japan)
Best Actress: Zhou Xun (The Equation of Love and Death, The Chinese Mainland)
Best Newcomer: Yu Shau-qun (Forever Enthralled, The Chinese Mainland)
Best Supporting Actor: Jung Woo-sun (The Good, The Bad, The Weird, South Korea)
Best Supporting Actress: Gina Pareño (Service, Philippines)
Best Screenwriter: Kurosawa Kiyoshi, Max Mannix, & Tanaka Sachiko
(Tokyo Sonata, Japan / Hong Kong / The Netherlands)
Best Cinematographer: Jola Dylewska (Tulpan, Germany/ Kazakhstan/ Poland/ Russia/ Switzerland )
Best Production Designer: Daniel Lee Yan-Kong (Three Kingdoms: Resurrection of the Dragons, The Chinese Mainland / Hong Kong / South Korea)
Best Composer: Hisaishi Joe (Ponyo On The Cliff By The Sea, Japan)
Best Editor: Kim Sun-Min (The Chaser, South Korea)
Best Visual Effects: Craig Hayes (Red Cliff, The Chinese Mainland)
Nagsimula ang Hong Kong Asian Film Awards noong 2007 at layunin nito na parangalan ang mga filmmaker na may outstanding achievements sa Asian Cinema. Mga professional na expert sa cinema at kinikilala sa international scene ang mga hurado ng Asian Film Awards.