Para sa pangatlo niyang pelikulang Baler ay nakamit ni Mark Meily ang ikalawa niyang Best Director trophy sa taunang Metro Manila Film Festival (MMFF). Una'y nang manalo siyang pinakamahusay sa nasabing kategorya noong 2003 para sa debut film niyang Crying Ladies ng Unitel Pictures.
Runaway winner—or, almost—ang Viva Films-Bida Foundation entry sa 34th Metro Manila Filmfest, which won 10 awards; including Best Picture, Best Director, Best Actress (Anne Curtis), Best Actor (Phillip Salvador), Best Screenplay (Roy Iglesia), Best Cinematography (Lee Meilly), Best Production Design (Aped Santos), and Best Editing (Danny Añonuevo); pati ang Most Gender Sensitive Film at Gatpuno Antonio J. Villegas award.
JERICHO'S LOSS. But Eirek Mark has one regret: Jericho Rosales lost the best actor award to Christopher de Leon of Magkaibigan, directed by Jose Javier Reyes.
"Na-disappoint ako," tahasang sambit ni Direk Mark nang ma-interview siya ng PEP (Philippine Entertainment Portal) matapos ang Gabi ng Parangal ng 2008 MMFF sa Harbor Tent ng Sofitel Hotel, Pasay City.
"Magaling si Jericho. I'm sure that, among the judges, it was a close race between Jericho and Boyet. I mean, they're both good actors but, iba yung performance ni Jericho," opinyon ni Direk Mark.
Direk Mark is hopeful na mavi-vindicate ang lead actor ng pelikula niyang Baler sa ibang award-giving bodies. "Marami pa 'yan. And in other festivals, [perhaps sa] abroad... Bagay na bagay, kasi cross-cultural yung pelikula."
Pero hindi ito ang pagkakataon para manimdim nang todo ang premyadong direktor, dahil runaway winner nga ang Baler.
"We're so blessed. Sabi ko nga, I had the best cast; the best production team, best producers, post-producers... Malaking bagay 'yon. Malaking bagay ang manalo."
Malaking bagay rin ang manguna, o isa sa mga nangunguna ngayon sa takilya ng 2008 MMFF. As of the latest, pumapalo sa 3rd and 4th slots ang Baler, as top-grossing entry, after Ang Tanging Ina N'yong Lahat ng Star Cinema na nasa No. 1 slot, Iskul Bukol: 20 Years After ng TAPE/M-ZET/APT Ent., sa No. 2.
Mahigpit na kalaban ng Baler sa ikatlong puwesto ang Shake, Rattle & Roll X ng Regal Entertainment.
"Sa akin, kahit na No. 3 kami," sabi ni Direk Mark. "Sabi nga ni [MMDA Chairman Bayani] Fernando, kahit No. 3, mas maraming manonood ng pelikula namin."
BEST PICTURE. Sa MMFF '08 Awards Night, nanatili ang patakaran hinggil sa top-grosser-best picture entry, although na-limit 'yon sa 3rd (Iskul Bukol) at 2nd (Ang Tanging Ina N'yong Lahat) Best Picture awards. Para sa 1st Best Picture, nagwagi pa rin ang entry na may pinakamaraming napanalunan sa major at minor categories, ang Baler nga.
"Natakot kami sa criterion na 'yon," sabi ni Direk Mark. Akala raw nila, ang pelikulang bida si Ai-Ai delas Alas ang siya ring magiging 1st Best Picture, dahil ito ang nangunguna sa takilya as of December 27—third day ng festival.
"Mahirap talunin 'yon. It's a popular choice," ani Direk Mark.
Pero hindi siya sang-ayon sa topgrosser-best picture ruling ng MMFF.
"Iba yung best picture sa popular [choice]," rason ng direktor. "Dapat excellence [pa rin ang basis]... Kasi, if you're a producer, ang magiging objective mo, kumita ka na lang. Kung ano yung pinakamalaking kikitain, na kaya mong kitain, yun ang gagawin mo. So, titipirin mo yung production. Whereas, if you have judges who would select [a real] best picture, ang criterion is excellence."
HIGH STANDARD. Bukod sa pagwawagi ng Baler sa MMFF '08, masaya si Direk Mark para sa idinidirek na gag show, ang Camera Café sa QTV 11 at GMA-7, na nanalo this year sa Asian TV Awards sa kategoryang Best Comedy Show.
Graded A ng Cinema Evaluation Board (CEB) ang Baler, tulad ng dalawang naunang obra ni Mark Meilly, ang Crying Ladies (2003) at La Visa Loca (2004). Para rin sa debut film niya unang nanalong Best Director si Direk Mark, sa MMFF '03.
Sa mataas na standard ng filmmaking/directorial excellence nakikilala ngayon si Direk Mark, at hindi naman daw dahilan 'yon para makaramdam siya ng matinding pressure o kakaibang challenge bilang direktor.
"May sinasabi sila noon na pag Rated A ka, huwag mong i-announce, dahil baka raw hindi kumita. Pero ngayon [with Baler], it breaks the myth. So I aspire for excellence, for being the best. O kahit na hindi ka maging best, it follows...yung sa box-office."
Walang magbabago, sa pacing o project preference ni Direk Mark, sa kabila ng panibago niyang tagumpay via Baler. Truth is, wala pa rin siyang bagong pelikulang gagawin, pero malamang daw na sa GMA Films siya susunod na gagawa ng pelikula.
"Ang output ko, sabi nga nila, matumal. I only do movies every three years, parang gano'n. Pero sabi rin nga nila, choose your projects also," makahulugang banggit ng premyadong direktor.