Inilunsad ang World Travel Expo 2025 sa pamamagitan ng press launch na ginanap sa SPACE, One Ayala, Makati City, noong September 24, 2025.
Dito in-announce na magkakaroon ng dalawang events ang World Travel Expo ngayong taon.
Nakatakda ang unang event sa October 17 hanggang 19 sa SPACE One Ayala.
Ang pangalawa ay gaganapin naman sa November 14 hanggang 16, sa Manila Bay.
Humarap sa entertainment media ang event organizer ng World Travel Expo 2025 na si Ms. Miles Caballero ng AD Asia Events Group OPC, kasama ang partners at exhibitors.
From left: Mr. Rico Duque (GDS International Travel Agency), Mr. Mon Aldrich Monacillo (Manila Prince), Ms. May Abigael Legaspi-Maguigad (Manila Hotel), Ms. Marlene Schmidt (Mandarin Bay), Ms. Miles Caballero (AD Asia Events Group OPC), Mr. Jed Ernest Uytiepo (Arpan Air, Inc. Phils. – Royal Caribbean), Ms. Ashley Macalalad (PATA LPU – LPU Manila’s Student Chapter), Ms. Irish Lyn Duque (Travel M8), Mr. Manolito Pineda (DMCI), Ms. Jane Andres (La Jolla Luxury Beach Resort), and Ms. Sheila Sun-Hernandez (Must Be Sun Retail Corp.).
Mas marami silang ino-offer ngayon para mahikayat ang mga turista mula sa ibang bansa, at kahit local tourists, na pumasyal sa iba’t ibang bahagi ng Pilipinas.
Para sa travelers at magkakapamilya, meron silang inaalok na exclusive airfare, hotel, at tour packages.
Meron pang fun activities, raffles, at cultural showcase. At may mga inihanda ring lifestyle booths at regional products.
Meron ding mga promo na Content Creator Challenge at Dance Your Destination Challenge gamit ang kani-kanilang social media account.
Sa mga interesado, puwedeng i-check sa Facebook at TikTok ng World Travel Expo.
WORLD TRAVEL EXPO YEAR NINE
Ito ang ika-siyam na taon ng World Travel Expo.
Pahayag ni Miles Caballero: “Year 9 is not just about promos. It’s about reigniting the passion for discovery, strengthening industry partnerships, and celebrating the role of travel in connecting cultures.”
Pero aminado si Miles na napaka-challenging ang gagawin nilang events ngayong taon dahil sa malaking isyu at pinagdadaanan ng ating bansa kaugnay sa iniimbestigahang corruption.
Aniya: “We all know what’s going on in the country right now. I won’t enumerate them anymore.
“But I believe this is the perfect time for us to instead highlight what is still beautiful in the Philippines; the land, our people, and hospitality.
"Because from Luzon to Mindanao, there is so much to be proud of and so much to discover.
"We have to come together, now more than ever, and show the world that beauty still lives in the Philippines.”
Naniniwala si Miles na malalagpasan natin ito at kaya pa nating iangat ang ating turismo.
Saad niya: “Mas challenging talaga ngayon.
"Pero siyempre, tayong mga Pilipino, positive pa rin tayo. We’re still hoping na maging okay ulit ang ating bansa.
"At the same time, to get more visitors pa rin coming from other country... investment pa rin coming from other country.
“So, yun lang po, challenging siya, pero alam niyo naman po, positive tayo parati.
"We’re always thinking na maging okay po, especially po ang tourism industry dito sa Pilipinas.”
HIGHLIGHTING CEBU, BOHOL, DAVAO, OTHER PROVINCES
Mayroon din daw silang travel expo sa ibang rehiyon dahil pinu-promote nila ang ibang magagandang lugar natin, kagaya ng Cebu, Bohol, at Davao.
Hindi lang daw ang magagandang tanawin kagaya ng mga beach, bundok, ilog, at iba pa. Kasama raw sa pinu-promote sa turismo natin ay ang ating mga pagkain.
“Eto nga, we’re promoting like Cebu, kasi dun kami nag-e-event… Cebu, Bohol, Davao.
"Kasi magaganda po talaga… and Cagayan de Oro also. Meron din silang mga places na mura.
“Aside from that, ang mga pagkain,” pakli ni Miles.
Inaasahan ni Miles na tataas ang datos ng mga turista, pati local tourists, ngayong pagpasok ng Pasko
“Hopefully ngayon, this coming season, especially ngayong December, makapagbakasyon tayong mga Pilipino.
“Dito sa Philippines, siguro we will ask the Department of Tourism para makapag-promote din. Kasi, ngayon ang pinu-promote natin more on mga food, e.
“Parang yung every destination, kung ano yung masarap na pagkain sa lugar na yun, yun ang pinupuntahan.
"Like, di ba, yung mga batchoy sa Iloilo, mga ganyan. So, ang pinu-promote natin ngayon… mga lechon sa Cebu, mga ganyan.
“Dito kasi sa ating mga Pilipino, kahit may mga problema, masasayahin.
“Cooking is the best ano rin for our vacation… cooking and eating.
"Yun po ang ating pino-promote—ang masasarap na pagkain ng Pilipinas nating mga Pilipino,” saad niya.
Sana raw ay makipagtulungan din ang local authorities para maging magaan at hindi magastos ang pagpasyal sa kanilang lugar.
Panawagan ni Miles: “Sana sa mga authorities natin na magkaroon sila ng special deals, expecially ngayon this coming season.
"Para maging magaan din sa every Filipino na makapagbakasyon na makapunta sa ibang regions natin.”
CAPIZ TOURISM EXPO '25
Tamang-tama naman, nang magbakasyon ang writer na ito sa aming hometown sa Roxas City, Capiz, inilunsad ang Capiz Tourism Expo ’25 na may temang Tourism and Sustainable Transformation, noong Linggo, September 28.
Sumali rito ang lahat ng municipalities ng Capiz na may ipinagmamalaking produkto, at pagkain, kagaya ng mga prutas, gulay, delicacies, at seafood na binebenta sa kanilang booth.
Dinaluhan ito ng ilang leaders ng Capiz: sina Mayor Jimbo Barruela ng Municipality of Dao, Mayor Jose Villanueva ng Municipality of Sapian, ang Ambassador ng World Food Travel Association na si Clang Garcia, si Atty. Luvim Amores ng Capiz Provincial Government, Jennylind Cordero ng DOT Region VI, at ang presidente ng CAPTOA na si Icyll Luces.