Nanganak na ang aktres na si Ellen Adarna.
Ito ay base sa post ng mister niyang si Derek Ramsay sa Instagram ngayong gabi ng Miyerkules, October 23, 2024.
Sa post ni Derek, makikitang karga-karga ni Ellen ang bagong silang na anak habang nakahiga siya sa hospital bed.
Katabi ni Ellen ang panganay niyang si Elias Modesto, anak ng aktres sa dating karelasyong si John Lloyd Cruz.
Sabi ni Derek sa caption, "My world keeps getting better and better! [smiling face with hearts emojis] #houseofdragons"
View this post on Instagram
Walang detalyeng ibinigay si Derek tungkol sa panganganak ni Ellen, gaya ng petsa at kung ano ang kasarian ng kanilang baby.
Ngunit ayon sa impormasyong nakalap ng PEP.ph (Philippine Entertainment Portal), kahapon, October 22, nagsilang si Ellen ng healthy baby girl.
CONGRATULATORY MESSAGES
Sa comments section ng post ni Derek ay bumuhos kaagad ang congratulatory messages mula sa celebrity friends ng mag-asawa:
Read: Ellen Adarna reveals plan to get pregnant this 2023
DEREK RAMSAY AND ELLEN ADARNA "DRAGON" BABY
Sa post ni Derek ay ginamit niya ang hashtag na "#houseofdragons," hudyat na natupad ang pangarap nila ni Ellen na magka-baby sa taong ito, 2024, Year of the Dragon.
Halos lahat daw kasi sila sa bahay ay Year of the Dragon kaya mas maganda raw sana kung pati ang magiging baby nila.
Sabi ni Derek noong December 2023, "We really have three Dragons in my house—my nephew, my son is also a Dragon.
"So, the house is very, very lucky House of Dragons. We want our next child to be a Dragon.”
Read: Derek Ramsay at Ellen Adarna pursigidong magkaroon ng "Dragon" baby
Nitong nakaraang June 2024, naiulat ng PEP Troika ang balitang buntis si Ellen pero hindi ito kinumpirma ng dalawa.
May makahulugang post noon si Derek sa Instagram na "Can't wait @maria.elena.adarna Alam mo na! lol.”
Ilan sa mga taong malapit sa mag-asawa ang tinanong ng PEP Troika, pero ayaw nilang sumagot dahil mas mabuting manggaling daw sa mag-asawa ang magandang balita.
Magmula nang mabalitaan ang pagbubuntis ni Ellen, ang tantiya ng PEP Troika ay pumapasok na ito sa lima o anim na buwan.
Hindi pa nahahalata sa ilang posts ni Ellen. Pero sa huling IG post nitong kuha sa moving-up ceremony ng anak niyang si Elias, parang may kalakihan na ang kanyang tiyan at tinatakpan na niya ito.