Ibinalita ni Gelli de Belen, 51, na dito muna siya sa Pilipinas habang ang mister na si Ariel Rivera, 57, ay nagtungong Canada.
Nag-aaral sa Canada ang mga anak nilang sina Joaquin, 24, at Julio, 23.
Lahad ni Gelli sa PEP.ph (Philippine Entertainment Portal), "My kids are good. Ariel just left the other day for Canada. He has a series of shows there.
"Pero siyempre, basically, he will also visits our kids. I'll be there soon."
Bakas kay Gelli kung gaano siya ka-proud sa mga anak.
"Almost every day kaming magka-chat. They are good. They started again opening their business.
"Pag summer kasi mayroon silang business, yung biko bubuksan nila ulit."
Read: Gelli de Belen, Ariel Rivera, and sons' biko selling like hotcakes in Canada
GELLI DE BELEN ON SONS' BIKO BUSINESS
Patok ang mga binebentang biko ng mga anak ni Gelli na pinangalanan nilang Lolo Ben's Biko.
Ang price per order: 20 Canadian dollars para sa original flavor at 22 Canadian dollars para sa langka flavor.
Higit 5,000 followers ang Instagram account na @lolobenbiko.
Pagdating sa pag-aaral ng mga anak, sabi ng aktres, "They are good. Yung isa nagma-masters, yung isa naman nagsa-summer din, nagtatapos pa ng kanyang course."
Read: 10 things to know about Joaquin and Julio, sons of Gelli de Belen and Ariel Rivera
Huling napanood si Gelli sa seryeng Too Good 2 Be True ng ABS-CBN.
Sa ngayon, focus muna si Gelli sa Si Manoy Ang Ninong Ko, na umere ang season 2 noong June 16 sa GMA-7.
"Dito muna tayo. I go back and forth from here to Canada just to visit my kids all the time.
"Medyo nagiging mahirap kasi, even there's a show, nanghihinayang nga ako, e, pamilya talaga."
Nakapanayam ng PEP si Gelli sa presscon para sa Season 2 ng public service show na si Manoy Ang Ninong Ko, na ginanap sa Club Filipino Greenhills noong June 17, 2024.
Read: Gelli de Belen reacts to Carmina Villarroel being accused of meddling in son Mavy's love life
GELLI DE BELEN ON HER NIECE KAILA ESTRADA
Napagkuwentuhan din ang magandang takbo ng career ng pamangkin ni Gelli na si Kaila Estrada.
Si Kaila ay anak ng kapatid ni Gelli na si Janice de Belen at John Estrada.
Nagpakita ng husay sa pag-arte si Kaila sa mga seryeng Linlang at Can't Buy Me Love.
"Siyempre, I'm very proud of my pamangkin, I'm very happy for her.
"I know that she has a good head on her shoulders and I know that she's very, very talented.
"I hope that all the blessings that come her way will continue and that she will always be grateful."
Read: Gelli de Belen touched by godson Quentin's birthday gift
GELLI DE BELEN ON PUBLIC SERVICE SHOW IN GMA-7
Kasama ni Gelli sa show sina Patricia Tumulak at AGRI Party List Representative Wilbert Lee, a.k.a. Cong. Wilbert.
"We are happy that we are able to do another season...
"This show kasi the goal is to really help our fellow Filipinos and make also people aware of the problems that we have.
"Akala ko alam ko na ang mga problema ng Pinoy. Habang ginagawa namin ang mga episodes, marami akong nari-realize, 'Ay, may ganyan pa pala, wala pa rin palang maayos na tubig sa ganitong parte ng Pilipinas. Wala pala silang maayos na tatahaking daan para pumasok s amga eskuwelahan.'
"Dapat ipaalala natin sa mga kababayan natin, lalo na sa mga kabataan kung pupuwede para ma-realize nila, 'Hey guys, this is what is going on in our country. We need to help each other, not just ourselves.'"
Minsan ay apektado raw si Gelli sa napi-feature sa show na mga paghihirap ng mga kababayan natin.
"Nakaka-stress, ha. Na-i-stress ako lalo na pag nakakausap ko ang mga experts kasi nakikita ko na sometimes it seems so blessed, sometimes it's such a big hurdle for them to be taking every single day.
"Dasal na lang. And we just need to be more aware of what's going on.
"If it's true that the show can get five people to be more aware, every episode, baby steps, so let's go."
Na-enjoy naman ni Gelli ang dynamics nila ng co-host na si Cong. Wilbert, na "Manoy" ang palayaw sa show.
Sabi ni Gelli, "Nung una, medyo reserved pa nga ako. Parang seryoso si Manoy nung umpisa, e. Habang tumatagal, ay jusko, may kalokohan din pala itong si Manoy. Habang tumatagal naa-appreciate ko siya.'
"Of course, in the beginning I was worried, honestly, siyempre pulitiko, showbiz ako, e. Mayroon pang baka people think I'm campaigning for him or something like that.
"When I realized that I was exposed with what the goal of the show was, e, ano kung madikit ang pangalan ko, nakakatulong naman so okay lang."
Watch: Gelli de Belen handang makialam sa love life ng anak
NO PLAN TO ENTER POLITICS
Tinanong si Gelli kung naisip ba niyang pumalaot sa mundo ng pulitika.
"Alam ko kasi na di ko kakayanin. I have no right to actually even consider that coz it wouldn't be fair to my countrymen, kasi alam ko I'm not qualified to do that and I will not pretend that I will ever be.
"When you serve the people, when you serve the country as a government official, you have to serve selflessly, making the country your priority.
"I know for a fact na hindi ko magagawa yun. While I love my country, di ko kaya. If there's any way that I can help, I will, but not as public servant."
Mayroon daw nag-offer sa kanya noon na magpulitika.
"Pero di ko na ine-entertain kasi alam ko naman na di ko kaya. For me to serve my country, I need to be qualified. If I'm not qualified I don't deserve to be in any position."