Ibinalita ni Nadine Samonte sa Instagram followers niya ang unexpected gift na matatanggap nila ng kanyang asawang si Richard "Rboy" Chua.
“Happy to announce that now we are a family of five. Hello second trimester,” Instagram post ni Nadine na nilagyan niya ng hashtags #thankyouLord, #unexpected gift, at #baby3.
“And just like that, we’re a basketball team,” sabi naman ni Rboy tungkol sa pagdadalantao ng misis niya.
Apat na taon na ang panganay nina Rboy at Nadine na si Heather Sloane, samantalang dalawang taon na ang kanilang bunso na si Austin Titus.
DIFFICULT PREGNANCY
Masaya ang aktres na si Isabel Rivas dahil buntis sa kanyang pangatlong apo ang manugang niyang si Nadine.
Si Isabel ang ina ng mister ni Nadine na si Richard.
Three months pregnant na si Nadine, pero ngayon lamang niya ipinaalam sa publiko ang kalagayan dahil maselan ang kanyang pagbubuntis.
Pahayag ni Isabel sa PEP.ph (Philippine Entertainment Portal), “Nadine is three months preggy.
"We hid it kasi napaka-complicated niyang magbuntis.
"She was in and out of the hospital because of bleeding, threatened abortion, kaya complete bed rest siya.
"Pero now, okay na kaya nag-post na sila [sa social media]."
Dagdag pa ng veteran actress tungkol sa kalagayan ni Nadine, “Sa December ang due date niya. Wala pang gender but we feel it’s a girl.
“Hindi ko alam ang mga pinaglilihian niya, pero maraming bawal sa kanya. Fish and veggies lang siya puwede, no meat at all.
"Kawawa siya but she’s so happy.”