"It was not a planned pregnancy."
Ito ang tinuran ng Kapuso star na si Sophie Albert nang makausap siya ng PEP.ph (Philippine Entertainment Portal) at ilang members ng entertainment press sa isang virtual pocket interview noong March 5, 2021.
Sa katunayan, nasa lock-in taping noon ang kanyang boyfriend na si Vin Abrenica, kaya't ilang linggo rin bago nito nalaman na magiging ama na siya.
Saad ni Sophie, “If it’s planned, siyempre, mauuna sana ang kasal ano, before kami magkaroon ng baby. But I think, it was meant to happen, kasi sobrang tagal na namin ni Vin.
“And we’re both of age, I’m already 30 years old. So parang I guess, it was the push we needed to take our relationship to another level.
“Kung hindi, we we’re both very career-focused, so we wanted to achieve so much careerwise. Maybe kung hindi nangyari, baka nakalimutan na namin yung family, ganyan.
“So, I guess, it’s meant [to be].”
VIN ABRENICA's REAcTION TO SOPHIE ALBERT's PREGNANCY
Hindi makapaniwala si Sophie nung una niyang makita ang resulta ng kanyang pregnancy test.
Aniya, “Noong malaman ko, I was actually in disbelief. Kasi nagbi-video call kami no’n ng best friend ko. Naka-video call iyong pregnancy test, and I was expecting na siyempre, negative.
“So noong nag-positive, nanginginig ang kamay ko. Sa sobrang takot ko, tumatawa na ko, iyong ganoon. Parang hindi mo ma-explain iyong feeling.”
Dugtong pa niya, “Hindi naman naging negative iyong feeling. It was always positive. Even when I first told my mom, first thing she said was, 'I’m so happy for you.'
“And she hugged me.”
Walong taon na rin kasi ang relasyon nila ni Vin, at kasal na lang din talaga ang hinihintay ng mga taong malapit sa dalawa.
Nag-freak out daw si Vin nang sabihin niya rito na buntis siya. Sa takot kaya ito o dahil sa excitement?
“I guess, hindi lang talaga prepared na nangyari iyon,” nakangiting sagot ni Sophie.
“Actually si Vin nga, sinabi ko sa kanya, I think hindi siya nagsalita for about two minutes. Hindi siya nagsalita… at hindi pa ko agad naniwala do’n sa pregnancy test. The next day, nagpa-blood test pa ako.”
At sa resulta raw ng blood test, sinabi sa kanya ng doctor na may posibilidad na kambal ang ipinagbubuntis niya.
“At doon sa result ng blood test, sobrang taas ng hCG [Human Chorionic Gonadotropin] level. So the O.B. pa told me, 'Oh my god, baka twins dahil super taas.' I was like, oh my god. E, too early pa to do an ultrasound.
“At sinabi ko rin iyon kay Vin na possible na magka-twin. Grabe, para siyang nalaglag sa chair niya. Nagpe-Facetime lang kami, para siyang nalaglag sa chair niya na, 'Oh my god, not one but two.'
“Pero thankfully, isa lang,” natawang sabi niya.
SOPHIE ALBERT ON WEDDING PLANS
Noong February ay inilabas nina Sophie at Vin ang balita tungkol sa kanilang engagement sa kanilang Instagram account at YouTube vlog.
Kailan nila balak magpakasal?
Ayon kay Sophie, “We’re hoping for late this year or early next year. Pero, we’ll start planning it kapag lumabas na si baby.
“Kasi now nga, baby preps muna, ayaw muna naming ma-overwhelmed. So, hopefully early December to February, around that time.”
Sabihin man na ang proposal at engagement ay naganap pagkatapos nilang malaman na magiging mga magulang na sila, sa puso at isipan raw nila ni Vin, alam na nilang sila na talaga.
“For sure, eight years na kami,” saad niya.
“We knew naman, pero hindi pa kami on the point na parang we’re setting a date na itong year na ito, kailangan ganito.
“We we’re always pushing it back kasi nga, sure na sure na kaming-kami na. Walang pressure or anything.
“So feeling ko, si God na rin ang nagbigay ng, 'O, ‘eto, para gumalaw-galaw kayo sa personal life niyo.' Kasi, kung hindi talaga, wala, e.”
Use these Shopee promo codes or vouchers when you shop or order online. Marami pang ibang coupons dito.