Wala raw balak si Nadine Lustre na magkaroon ng anak sa ngayon.
Kung papipiliin raw siya, mas gugustuhin niyang mag-ampon.
Ito ang sinabi ni Nadine sa celebrity cosmetic surgeon na si Aivee Teo sa isang vlog interview na in-upload sa YouTube kahapon, January 30, 2021.
Dati raw kasi, ang laging sagot ni Nadine ay gusto niya ng two kids kapag tinatanong siya tungkol sa pagkakaroon ng anak.
“Before, every time people would ask me that, I would say 'two.'
“But now, I’d say wala. I don’t want to have kids right now. That’s where my head’s at.”
Sabi pa ni Nadine, sa tingin niya ay maraming batang hindi naaalagaan ngayon nang maayos, kaya mas gusto niyang mag-ampon.
Pero hindi rin naman daw hihindian ni Nadine ang magiging anak kung siya ang mabubuntis.
“I do believe that there are a lot of kids who don’t have parents and who need to be taken care of. So I feel like if I do want to have a kid, I might just adopt.
“If I get pregnant, I’ll go with it. But right now, that’s where my head’s at, I would rather adopt.”
Hindi ito ang unang pagkakataon na nagsabi si Nadine na hindi muna niya gustong magkaroon ng anak sa panahon ngayon.
Kamakailan, naibalita sa PEP.ph (Philippine Entertainment Portal) na kumpirmadong nagkabalikan si Nadine at ang kanyang boyfriend na si James Reid.
Wala pang naririnig na kumpirmasyon sa dalawa, pero magkasama silang nag-hiking kasama pa ang iba pa nilang kaibigan noong unang linggo ng January 2021.