Excited na si Bea Alonzo, 37, sa Christmas vacation niya kasama ang kanyang buong pamilya sa Europe.
Ito ang unang pagkakataong magdiriwang sila ng Pasko sa ibang bansa.
Read: Bea Alonzo on suitors: "May mga nagpaparamdam."
“It will be a very different Christmas for me this year,” masayang sabi ni Bea.
“I’m going to Spain with my family so madadala ko na rin yung mga pamangkin ko.
“First time nila pupunta sa Spain, my brother and my sister-in-law."
Kasama rin ang ina ni Bea na si Mary Anne Ranollo, na dati nang nakabisita sa apartment ng aktres sa Madrid.
At that time, wala pang furniture ang bahay.
Pero noong September 2024, ibinahagi ni Bea sa kanyang Instagram Stories ang ilang kuha sa kanyang apartment na wari'y fully furnished na.
Pagbabalita pa ni Bea, "But we’re also spending Christmas in Andorra. So, white Christmas. Excited!”
Ang Andorra ay isang lugar na matatagpuan sa pagitan ng Spain at France. Dinadayo ang skiing resorts sa lugar.
Patuloy ni Bea: “It will be different because, yun nga, first time namin magpa-Pasko sa ibang bansa ng pamilya ko.
“Normally, dito [sa Pilipinas] tapos aalis kami pagkatapos ng Pasko. So, noche buena lagi dito.
“But first time yung noche buena sa ibang bansa. Tapos snow pa. Malamig."
After Christmas, maiiwan sa Spain ang pamilya ni Bea at pupunta siya sa London kasama ng kanyang best friend.
Read: PEP Most Influential 2024 Female TV Royalty: Bea Alonzo
BEA ALONZO ON WIDOWS' WAR
Pero bago umalis si Bea ay tatapusin muna niya ang taping para sa episodes ng hit Kapuso primetime series na Widows' War.
Inaabangan sa serye kung sino ang pumaslang kina Rafael Rosell, na gumanap bilang asawa ng karakter ni Bea, at Benjamin Alves, na gumanap namang asawa ni Carla Abellana.
“Malapit na yung mga revelations kung sino ang pumatay since it’s a mystery-drama.
"Malapit nang ma-unravel kung sino yung may kagagawan ng lahat ng patayan. So, exciting. Exciting episodes,” proud na tsika ni Bea.
Next year ay gagawa ulit ng pelikula si Bea.
According to a source, sa Europe isu-shoot ang movie. Gusto isali ng producer ang pelikula sa Metro Manila Film Festival (MMFF) 2025.
“I'm still doing Widows' War right now. It will air [until] next year. We got extended. So, I’m very happy about that.
"And meron din akong projects next year. So, I have one movie and one series for streaming [HBO]."
Ratsada pa rin ang career ng aktres.
Aniya, “Yeah, it will be a busy year. Siyempre, another teleserye with GMA-7 next year.
"But sabi ko nga, busy is always good."
Read: Sue Ramirez spotted kissing Dominic Roque; are they an item?
Nakausap ng PEP.ph (Philippine Entertainment Portal) si Bea sa launch niya bilang bagong endorser ng kilalang jewelry store na My Diamond sa SM Aura noong December 5, 2024.