Muling umapela ng dasal si Kris Aquino para sa tinagurian niyang "heartbreaking" Christmas-New Year break.
Sa kanyang Instagram Story kagabi, December 29, 2025, nagbahagi si Kris ng larawan niya kasama ang anak na si Bimby Aquino.
Mapapansing nakahiga silang dalawa sa kanya-kanyang hospital beds, kung saan ang kama ni Bimby ay naka-reflect sa isang malaking salamin.
Makikita ring may nakalagay sa noo ni Bimby na fever patch.
Caption ni Kris: "The Christmas-New Year break has been 'heartbreaking'—kakayanin ko pa ba? Prayers please, I'm sorry for asking again."
Hindi siya nagdetalye kung bakit nasa hospital silang dalawa.
Read: Missing bride-to-be finally found—QCPD
KRIS AQUINO'S previous postS
Huling nagparamdam si Kris sa Instagram noong November 17, kung kelan mariin niyang itinanggi na may kasabay si Anjo Yllana noong nagkaroon sila ng maiksing relasyon.
Ang claim kasi ni Anjo sa interview ni Snooky Serna para sa kanyang YouTube channel last September, noong sila pa raw ni Kris, sinabihan siyang boyfriend din niya si Robin Padilla, ganoon din si Aga Muhlach.
Ang reaksiyon ni Kris, umabot naman daw sila ng isang buwan—taliwas sa pahayag ni Anjo na "three weeks" lamang.
Hindi rin daw totoo na pinagsabay niya ang relasyon kina Anjo at Robin.
Ayon kay Kris (published as is): "You filled my room with pink balloons for our first monthsary (hindi ako proud but he said as he started we didn’t last 3 weeks because pinagsabay ko sila ni Robin.
"Wala syang kasabay. Anjo, ano ba, we were ouside my mom’s house hinatid mo ko- may naghihintay.)"
Binalikan din ni Kris ang insidenteng hinatid siya ni Anjo sa bahay ng kanyang ina—the late former President Corazon Aquino—at doon ay naengkuwentro ang tila manliligaw ni Kris.
Balik-tanaw ni Kris: "It was a big surprise for me & you. You left with these parting lines: mukhang nakakagulo ako, fyi girlfriend ko sya, kahit feeling ko pag gising ko wala na.
"The Surprise: Girlfriend mo harapan mong binabastus. You don’t trust her? Dumalaw ako dahil isang buwan akong abroad, dala ko yung pasalubong ko…
"Diba mauuna ka na? I stood unmoving, staring at the floor. (disclaimer i was 21, Anjo was 23-24, Mr. Surprise was 23.)"
Read: Kris Aquino denies two-timing ex-boyfriend Anjo Yllana
Samantala, pagdating sa kalusugan ni Kris, napansing tila bumuti ang kundisyon niya noong September 25 dahil nakalabas siya ng bahay para sa isang mahalagang okasyon.
Spotted si Kris, kasama ang dalawa niyang anak na sina Joshua at Bimby, sa birthday celebration ng celebrity hair and make-up artist na si Jonathan Velasco.
Sa larawan, mapapansing nakasuot ng face mask sina Kris, Joshua, Bimby, at Jonathan.
