Patuloy na lumalaban si Kris Aquino para sa kanyang kalusugan, ayon sa kaibigan nito na si dating entertainment editor Dindo Balares.
Sa Instagram nitong nakaraang October 25, 2024, ibinahagi ni Dindo na sa sa kabila ng health issues ni Kris, naisip pa raw ng dating actress-host na sumali sa relief operations para sa mga biktima ng bagyong Kristine.
Nagbigay din ng update si Dindo na na-confine si Kris sa Makati Medical Center para sa panibagong procedure para sa iba't ibang auto-immune diseases nito.
Kuwento ni Dindo (published as is), "Sa mga pagkakataong tinatamaan ako ng melancholia - nitong mga nakaraang araw,dahil sa Bagyong Kristine -- laging nagkakataon na kumokontak si Kris Aquino.
"You know Krisy, kahit may mga pansariling pinagdadaanan napakabilis makatunog kung kailangan mong magtanggal ng mga kalawang sa panga at ngala-ngala.
"Matagal-tagal na akong 'di tumatawa ng napakalakas, ngayong umaga lang uli. Ang pagtawag, para ipaalam na papasok siya ngayong gabi sa Makati Medical Center for another procedure.
"Nakaka-guilty na siya na nga ang kailangang pasayahin, siya pa ang umaliw. Paano ba naman, gustong sumali sa relief operations! E, dapat nga siyang sumailalim sa operation sa Makati Med!
"Mahaba ang kuwentuhan namin, at ikukuwento ko rin para sa kanyang followers. Pakiabangan po. Nakatulog daw siyang mabuti kaya nagpadala ng photo. Yes, latest photo niya ito.
Read: Kris Aquino health update: "There's a problem with my heart."
KRIS AQUINO: "Ganyan kapayat my legs."
Sa isa pang update ni Dindo kay Kris, ipinakita nito ang latest picture ni Kris.
Saad ni Dindo, "Maraming pagkakataon na iniiyak na lang ni Kris Aquino ang sobrang sakit na nararanasan.
"Pero sabi niya ilang oras bago sumailalim sa bagong procedure sa Makati Medical Center kahapon, #TuloyAngLaban."
Kalakip ng post ang larawan ni Kris hawak-hawak ang isang walker.
May nakasalutan dito na caption mula raw kay Kris na nagsabing "Ganyan kapayat my legs. That's why i need physical therapy. And I'm 87 pounds, Kuya Dindo."
Read: Kris Aquino says her health issue "has become more complex"
KRIS AQUINO CELEBRATES HALLOWEEN WITH JOSHUA, BIMBY
Sa bagong post ni Dindo ngayong araw, November 1, 2024, sinabi niyang nakalabas na ng ospital si Kris.
Balita nito (published as is), "'I WILL DEFINITELY HE BACK' --KRIS
"Para sa media friends na nangungumusta kung nakalabas na sa Makati Medical Center si Kris: yes po.
"Katunayan, may Story post na siya sa IG May message siya sa kanyang followers bago sumailalim sa procedure last weekend na sadyang ngayon ko lang ilalabas.
"'Please say that please let me get my health okay and the matulungin Kris will definitely be back. I just need to start working para may pang-share.'
"Kasi nga excited makisali sa relief. Kung minsan, natatagalan bago ko ma-process ang thinking ni Kris. Gaya ng kagustuhan niyang makapagtrabaho uli.
"'I don't want sadness for my followers. Because I want them to continue praying. We all need to have faith although, Kuya Dindo aamin ako- sa sobrang sakit there are moments I really can't help but cry. I remind myself though, I'm allowed because I'm still human.' #TuloyAngLaban, Krisy!"
May sarili namang Instagram Story si Kris na nasa kama, katabi ang mga anak na sina Joshua Aquino at Bimby Aquino na naka-Halloween costume.
Sabi ni Kris, "I will love there 2 boys the rest of my life. My favorite M&Ms."
Nitong nakaraang October 20, 2024, masayang ibinalita ni Kris sa kanyang mga followers na cancer-free na siya.