Inalala ni Dra. Vicki Belo ang pamba-bash na natanggap niya noon 2016 dahil sa kanyang hitsura.
Hindi alam ng mga tao noon na dumadaan siya sa chemotherapy at radiation dahil sa kanyang third-stage breast cancer.
Nangyari ang bashing sa kanya noon nang lumabas ang mga larawan niya mula sa kasal ng kanyang anak na si Cristalle Belo.
Ibinahagi ng celebrity cosmetic doctor ang karanasang ito sa pamamagitan ng social media video nitong Biyernes, December 22, 2023.
Sabi ni Vicki, “It was a very scary and difficult time for me because all the doctors wouldn’t give me any assurance that I would get well. They just said they would try their best.”
Ipinakita rin ni Vicki ang mga kuhang larawan niya habang nagpapa-chemo, tulad ng pagiging kalbo niya matapos ang third session ng chemo.
Isang taon pa lamang daw noon ang kanyang anak na si Scarlet at takot na takot si Vicki na lumaki ang anak nang walang ina.
Read:
- Vicki Belo says women prefer "mataba" more than "mahaba"
- Vicki Belo poses in swimsuit in snowy Japan to deliver empowering message to women
Victoria Belo in one of her radiation sessions in Atlanta, Georgia
AT CRISTALLE’S WEDDING
Nang matapos ang chemotherapy sessions niya sa Pilipinas, tumulak papuntang Atlanta, Georgia sa U.S. si Vicki para sa kanyang radiation.
Nanirahan doon si Vicki kasama ang kapatid.
Habang dumadaan sa radiation ay ikakasal na si Cristalle sa noon ay fiancé nitong si Justin Pitt.
Read: Cristalle Belo marries Justin Pitt at Makati hotel few days before grand wedding in Italy
Para makaabot sa kasal, nag-double radiation si Vicki araw-araw.
Ikinasal si Cristalle at Justin sa Italy noong September 15, 2016.
Nang ma-post ang kanilang mga larawan sinabi ni Vicki na pinupuna ang itsura niya noon.
Kinailangang magsuot ng wig ni Vicki dahil nawalan ng buhok.
Pagbabalik-tanaw ni Vicki, “I remember people were bashing me. My dress was ugly, I looked bad.
“I guess they didn’t know what I was going through.”
(L-R) Vicki Belo's ex husband, Atom Henares, their daughter Cristalle, Vicki, and their son Quark Henares
Pero nagsabi si Vicki kung bakit nagdesisyon siyang ibahagi ang kanyang pakikipaglaban sa cancer.
Sabi niya, “But I’m sharing this video with you, for anybody out there who’s going through cancer…
“Because here I am in 2023, sever years cancer-free. All you have to do really is pray.”