Fully vaccinated na ang Pinay Broadway Diva na si Lea Salonga.
Naturukan siya ng second dose niya ng Pfizer sa Muntinlupa kahapon, July 20.
Deklara niya sa kanyang Twitter post: “Fully vaxxed!!! Thanks, MunCoVac!!!”
Curious naman ang Twitter followers ni Lea kung ano ang naramdaman niya matapos maturukan ng kanyang ikalawang dose.
Kinagabihan, nagbigay ng update si Lea tungkol sa mga side effects na maaaring naramdaman niya.
Ayon sa international singer, “So far, the only side effect around 10 hours after the shot is soreness at the injection site.
"Let’s see what happens when I wake up tomorrow. In the meantime, I’ve been drinking plenty of water and getting some rest. Good night, everyone!”
Ngayong hapon ng July 21, nag-update muIi si Lea sa kanyang Twitter fans kung ano na ang nararamdaman niya pagkalipas ng isang araw.
Sabi niya, “Side effect report: my arm still hurts, but thankfully not so much that I can’t type on a keyboard.
"No fever, no chills, no body aches. A little low batt, but otherwise normal.
"Thankful to have gotten vaxxed. If you haven’t yet, please do consider it.”
May nagtanong namang netizen kung ano ang payo niya sa mga taong ayaw at takot pa ring magbakuna.
Tanong ng netizen: “Any message po sa mga taong ayaw magpabakuna dahil natatakot? Masakit po ba Ms. Lea? #AskMsLea”
Tugon ni Lea: “Sa masakit, actually hindi. The real pain happens hours later when the soreness in the arm settles in. But the actual bakuna itself? It’s totally fine.”
Inusisa naman siya ng isa pang follower kung bakit A3 (persons with comorbidities) ang category niya.
Paliwanag ni Lea, “I’m actually in A4 as an entertainer, but A3 due to a co-morbidity (respiratory allergies). It got really bad in 2020 due to Taal’s ash fall. Not fun”
Noong June 18 ang first dose ng COVID vaccine ni Lea.
Sabi niya sa Facebook, “First dose, done! #BakunadoProtektado #Pfizer”
Use these Shopee vouchers when you shop or order online. Marami pang ibang coupons dito.