Parte ng everyday life ng mga Pinoy ang paggamit ng plastic containers.
Nire-reuse pa ang mga ito sa paniniwalang nakakatulong sa environment.
Pero ang tanong: Safe ba ang paggamit ng disposable at plastic containers sa kalusugan?
Sa lumabas na report ng BBC.com, kapag pinainit ang pagkain sa microwave oven, ang chemical substances ay kumakapit sa pagkain, ayon sa mga eksperto.
The Safety of Plastic Containers: A Long-Standing Issue
Kung tutuusin, hindi na ito bagong isyu.
Matagal nang pinagtatalunan ng researchers at manufacturers ang kaligtasan ng plastic containers, lalo na kapag ginagamit sa food and beverages.
Ang tirang pagkain, ilalagay sa containers at itatago sa refrigerator o freezer. Kapag kakainin, iinitin sa microwave oven.
Sinasabing ang habit na ito ang posibleng dahilan kung bakit may nadiskubreng plastic components sa loob ng katawan ng mga tao.
Lumabas sa pag-aaral na marami sa substances na ginagamit sa paggawa ng plastic products, tulad ng containers, ay nagli-“leach” o kumakapit sa mga pagkain at inumin ng mga tao.
Pero sinasabi ng manufacturers at ibang experts sa food safety na ligtas daw gamitin ang plastic bilang food storage.
Dito ngayon nagkakaroon ng kalituhan.
May mga eksperto kasing hindi inirerekomenda na i-microwave ang pagkain habang nasa plastic container, ulat ng BBC.com sa March 23, 2026 article.
Sa U.K., naglabas ang Food Standards Agency, isang independent government department para sa food safety, ng regulations kung ano ang substances na hindi dapat gamitin sa paggawa ng plastic containers dahil kumakapit ito sa pagkain.
May parusa sa mga manufacturers na lalabag dito.
Binanggit na may dalawang common types of plastic na ginagamit sa food packaging, tulad ng biscuit wrappers (polypropylene) at ang food containers (polyethylene).
Sa pagma-manufacture ng plastic, may iba pang substances na inilalagay tulad ng pangkulay o ibang chemicals upang maging flexible ang containers.
Paliwanag ng isang expert na si Dr. Jane Muncke, “incredibly complex” ang chemical composition ng plastic.
Natuklasan na raw sa pag-aaral na kumakapit sa pagkain at inumin ang certain plastic substances o chemicals. So ang ending, naa-absorb ito ng katawan.
Dagdag pa ni Dr. Muncke, may mga uri ng pagkain—tulad ng tomato at iba pang acidic food pati na rin fatty food—na uma-absorb ng mas maraming chemicals kapag inilagay sa plastic container.
Kinumpirma rin ng eksperto na mas mataas ang chances na ma-transfer ang chemicals sa pagkain kapag iniinit habang nasa plastic container.
Maiiwasan daw ito kung hindi sa plastic ima-microwave ang pagkain.
Binanggit sa studies ang dalawang delikadong chemical substances na ginagamit sa paggawa ng containers: ang phthalates (pinapalambot ang plastic) at ang bisphenol A o BPA (pinapatigas ang plastic).
Ang mga ito ay nakakasama sa normal growth ng hormones, sa fertility, at sa immune system. Puwede rin daw na magkaroon ng higher risk sa cancer.
Sa katunayan, nagpatupad ng BPA ban ang European Commission noong 2024 sa mga lalagyan, tulad ng water bottles, dahil sa health risks na puwede nitong maidulot.
Plano rin itong gawin sa U.K.
Kinumpirma naman ni Dr. Diana Zuckerman, president ng National Centre for Health Research in Washington, na constant ang pagbabago ng composition ng plastic.
At habang tumatagal, nagbi-break down ito at mas maraming chemicals ang nagli-leach sa pagkaing inilalagay rito.
Mas tumataas daw ang risk na ito kapag paulit-ulit na ginagamit ang plastic sa pagma-microwave.
So ano ang safe alternative?
Highly recommended ang paggamit ng ceramic kapag nagpapainit ng pagkain sa microwave oven.
Pahabol ni Zuckerman, kapag sinabi raw ng manufacturers na “microwave safe” ang plastic container, ang ibig sabihin lang nito ay hindi ito matutunaw. Pero hindi ito guarantee na wala talagang chemicals na kumakapit sa food.
Ipinapayo naman ng Academy of Nutrititon and Dietetics sa U.S. na gamitin lamang ang plastic containers bilang lalagyan ng cold food.
Sa tanong naman kung nakapagpapataas ng cancer risk ang paggamit ng plastic containers, sinabi ni Dr. Rachel Orritt ng Cancer Research U.K. na wala pa raw sapat na ebidensiya ang claim na ito.
Read: Do fan speed and aircon temperature affect power use?
What to Do When Heating Food
Ang pag-aaral na nabanggit ay tugma sa food tips ng shows and programs sa multi-media platforms at maging ng well-known personalities sa home and food genre.
Isa sa mga gumawa ng content ukol sa risks ng plastic containers ay si Lori Greiner, isang kilalang American TV personality, entrepreneur, inventor, at producer. Kilala rin siya bilang long-time host ng show na Clever & Unique Creations na mapapanood sa QVC, isang American free-to-air TV network.
Gumawa siya ng isang video content via Instagram.
Caption niya rito, “Never microwave anything in a plastic container for your safety. Here’s why…
“Just because a plastic container says it’s microwave-safe, doesn’t mean it is,” paliwanag niya.
“All that means is it won’t melt in the microwave, but it can still contain harmful chemicals.
“In just a few minutes in the microwave, millions of unhealthy chemicals from inside the plastic can leach into your food, like BPA, phthalates, as well as millions and billions of micro and tiny nanoplastics.”
So ano ang mas ligtas na option?
“So here’s what to do instead,” pagpapatuloy ng TV host.
"Transfer any food from a plastic container into a glass or ceramic container before microwaving it, or warm up food using an air fryer, oven, or stovetop."
