Marami ngayong sinusubukang alternatives sa white rice para sa low-carbohydrate at low-calorie diet.
Nariyan ang iba-ibang kulay ng grains tulad ng brown, black, at red rice.
Sa social media, isa sa mga nagiging popular choice sa ngayon ay ang shirataki rice, na ayon sa mga experts, ay better option.
Sa katunayan tinatawag nga itong “miracle rice.”
Pero gaano ba talaga ka-effective ang shirataki rice para sa weight loss?
Totoo bang nakakatulong ito sa mga diabetics para magkaroon ng lower sugar level? Ibig bang sabihin ay puwedeng kumain nang marami nito at manatiling healthy?
Read: Spanish Bread’s surprising origin: Spain or the Philippines?
WHAT IS SHIRATAKI RICE?
Ang shirataki rice ay gawa mula sa konjac plant, isang root vegetable na matatagpuan sa Japan.
Napakababa ng calories at carbohydrates content nito, pero mataas ang fiber content.
Sagana rin ito sa glucomannan, isang soluble fiber na kayang mag-absorb ng tubig na 50 times kesa sa weight nito.
Kapag hinaluan ng tubig ang glucommanan, nagiging gel ang texture nito.
Upon consumption, nakakapag-delay ito ng digestion kaya hindi agad nakakaramdam ng gutom, paliwanag ni Coach Jeaneth Aro, isang nutritionist at coach sa Filipino Olympic medalists, sa kanyang YouTube video noong October 2024.
At dahil hindi agad nakakaramdam ng gutom, nagreresulta ito sa overall lower calorie and carbs intake, na maaaring mag-promote ng weight loss. In effect, nakakatulong din ang shirataki rice para sa lower sugar levels at nagiging beneficial para sa mga diabetics.
Binanggit din ni Aro na may “promising effect” ang glucomannan kung gagawing supplement para sa weight loss.
Ang iba pang positive effects ng glucomannan ay lower blood cholesterol, lalo na kung consumed in moderation.
Paalala ni Aro, inirerekomendang dahan-dahanin muna ang pagkain ng shirataki rice kung nagsisimula pa lamang.
May mga reports kasing may mga nakaranas ng bloating, flatulence o kabag, at loose stool.
Isa pang reminder ni Aro ay ang pagpili ng mga shirataki rice brands.
Dapat aprubado ng Food and Drug Administration (FDA), na naglabas ng report noong nakaraang taon tungkol sa mga brands na hindi dumaan sa Certificate Production Registration, at hindi rin dumaan sa FDA evaluation.
Sang-ayon si Aro na puwedeng makatulong ang shirataki rice sa weight management basta’t walang digestive issues.
Pero personally, sinabi ni Aro na hindi ang pagkain ng shirataki rice ang kanyang nakikitang effective method para sa weight loss o calorie management.
Mas preferred daw niya ang pagtuturo ng appropriate dieting strategies at adequate exercise para sa better results. Ibig sabihin, balanced diet na may kasamang physical activities pa rin ang effective way para sa weight loss.
READ: How long do eggs stay fresh? Here’s what you need to know
BALANCE IS THE KEY
Hindi nalalayo rito ang sentiments ng medical doctor at health social media influencer na si Dr. Winston Tiwaquen, a.k.a. Dr. Kilimanguru.
Paliwanag ni Dr. Kilimanguru, huwag maging dependent sa iisang bagay pagdating sa iyong diet.
Sinang-ayunan niya na ang shirataki rice ay better option sa white rice, subalit hindi porke’t nag-shirataki rice na ay magiging maganda na ang kalusugan ng tao.
“Kahit na shirataki ang rice mo, pero iinom ka naman ng soft drink after every meal; sobra-sobra ang portions ng meal na kinakain; walang regular na physical activity; at walang sapat na tulog…
“Wala ring kuwenta ang shirataki rice kung yung kabuuan naman ng lifestyle mo ay hindi naman maganda.”
Para raw ma-achieve ang desired weight loss o better health, dapat ay balanse ang diet.
“You can eat whatever type of rice you want—red brown, shirataki, or even white rice—pero controlled and balanced yung portions niya. Mas priority ang pag-inom ng tubig, once a month ang soft drink. Consistent sa workout at sapat ang tulog,” sabi ng medical doctor/influencer.
“It’s all about finding the balance, control, and moderation in everything regardless of the type of rice you are eating.”