Sa Pilipinas, maraming versions ng adobo, at ilan dito ay naa-identify sa pamamagitan ng kulay.
May adobong puti, na niluluto nang walang soy sauce o toyo.
Mayroong adobong dilaw, na ginagamitan naman ng luyang dilaw or turmeric.
At meron ding adobong pula.
Sa Cavite, kilala ito bilang adobo seca o adobo sa atsuete.
At kilalang recipe rin ito sa Iloilo atr trinatawag na istiwitis.
Sa halip na toyo, ang pampakulay rito ay ang annatto oil o atsuete o istiwitis sa Ilonggo.
Ayon sa kasaysayan, ang adobo ay original recipe ng Pilipinas at hindi impluwensiya ng mga Kastila.
Read: Adobo at sinigang, hindi natutunan ng mga sinaunang Pinoy sa Kastila
Isa raw ang adobong pula sa earlier versions ng adobo.
“This is one of the oldest versions of adobo dahil nung wala pang soy sauce, eto yung meron,” ani Paliwanag ni Chef Tatung Sarthou sa Simpol YouTube video nitong July 2025. Tinawag niyang “heirloom” ang adobong pula.
“What makes it red is the use of atsuete. Yung pampapula ng inasal, yung pampapula ng kare-kare, yun din ang pampapula dito sa adobong pula," paliwanag ng chef kung paano naging unique ang adobong ito.
HOW TO COOK ADOBONG PULA
Sa video ni Chef Tatung, inasinan muna niya ang chicken at pork meat.
Sa pan, naglagay siya ng annatto oil at iginasa muna rito ang inasinang pork at hinintay na magkulay brown.
Pagkatapos ay naglagay ng maraming grated garlic. Isinunod ang dahon ng laurel at pamintang durog at buo.
Kasunod nito ay nilagyan niya ng patis at suka.
Hinayaan munang masangkutsa ang pork hanggang maluto.
Pagkatapos ay isinunod ang manok at nilagyan ng atay ng manok.
Naglagay rin si Chef Tatung ng kaunting asukal para ma-balance ang acidity.
Pagkatapos ay pinalambot ang karne.
May slight difference ang pagluluto ng ibang chefs ng adobong pula.
Sa ibang versions o food vlogs, isang uri lang ng karne ang ginamit.
Prinito muna nang bahagya ang pork saka sinimulan ang paggisa.
Pero sa isa pang video, inuna muna ang mantika at iginisa ang bawang, saka isinunod ang karne.
May isang chef naman na sa halip na annatto oil ang ginamit, nilubog ang annatto seeds sa hot water para makuha ang kulay at ito ang ibinuhos sa pagluluto.
Gayunpaman, halos pareho ang basic ingredients na ginamit nila.
Pero iisa ang tiniyak ng chefs na gumawa ng adobong pula—na isa ito sa masarap na versions ng adobo na maipagmamalaki ng Pilipinas dahil sariling atin.
Napakaraming ibang versions ng adobo sa Pilipinas, depende sa lugar.
Ito ang binanggit ng award-winning book designer, food writer, and visual artist na si Ige Ramos sa GMA Network website.
Aniya, “As there are thousands of islands in the Philippines, it follows that there are also hundreds of local and regional variations of adobo using a wide array of ingredients that in themselves reveal a history of their own.”
Read: This OFW in Spain amasses 235K Facebook followers--here’s why