Nagsimula sa isang comedy scene sa pelikulang Father En Son noong 1995 ang "Banayad Whisky" ng Comedy King na si Dolphy.
Ngayon ay isang totoong inumin na ang Banayad Whisky na pinagawa mismo ni Eric Quizon.
Sa interview ni Eric sa GMA News Online, na inilathala noong May 2, 2025, sinabi ni Eric na matagal na raw ang planong gawing totoong liquor drink ang Banayad Whisky bilang pag-aalala niya at ng mga kapatid sa amang si Dolphy.
Naging meme na raw kasi sa social media ang eksenang nagsu-shoot ng TV commercial si Dolphy para sa Banayad Whisky.
Sa eksenang iyon sa Father and Son, nakailang take si Dolphy dahil hindi niya kayang umarteng gusto niya ang inumin, at naging iconic line ang binitawan niyang linyang "lasang blade" ang ineendorsong whisky.
Umabot sa puntong nalasing na siya dahil sa paulit-ulit na take ng eksena, hanggang sa inatake na ang may-ari ng whisky brand at nagsabing wag magpakita sa kanya si Dolphy.
Natapos ang eksena na kunwa'y nagtawag pa si Dolphy ng kainuman para ubusin ang whisky bottle na ginamit sa TV shoot.
Read: Eric Quizon, baka "mag-walling" sa ide-demolish na Dolphy Theater
ERIC QUIZON ON PIDOL'S BANAYAD WHISKY
Ayon kay Eric, "Matagal na talaga namin iniisip yan, buhay pa ang daddy ko.
"However, hindi naman siya nag-materialize kasi nga, during that time, medyo may edad na rin ang daddy ko.
"So, naiba na rin ang focus namin, ang talagang iniisip namin ay talagang for his health.
"Parang it's not appropriate to sell whisky when my dad has COPD, di ba?"
Ang COPD ay chronic obstructive pulmonary disease, isang uri ng sakit kunsaan nababara ang pagdaloy ng hangin sa baga.
Sanhi ito ng "long-term exposure" sa "irritating smoke, fumes, dust or chemicals," ayon sa mayoclinic.com.
Pumanaw ang Comedy King noong June 10, 2012 sa edad na 83, dahil sa "multiple organ failure secondary to complications brought about by severe pneumonia, chronic obstructive pulmonary disease, and acute renal failure."
Read: Comedy King Dolphy dead at 83
Pagpapatuloy ni Eric, nanumbalik sa kanya ang planong totohanin ang Banayad Whisky nang may lumabas na video online na ginagamit ang larawan ni Dolphy para sa pagbenta ng katulad na liquor product,
"Pinag-iisipan na namin. But, of course, going about it was very difficult.
"It even came to a point when there was this group that was selling it using my dad's face and using the lines in the movie.
"I called their attention. I told them that 'This is copyrighted. The author of that is my dad, and this is part of a movie.' Anything that is part of a movie is copyrighted.
"Sabi ko, 'I can sue you. Pero hindi ako masamang tao. Let's collaborate and let's make this better.'
"In the beginning, nakipag-usap sila sa akin. After that na sinabi kong stop selling muna because we have to lay the grounds with the heirs and all that, biglang nag-disappear."
Matapos ang pangyayaring iyon, tinuloy na ng pamilya ang pagbuo ng liquor brand na tinawag na Pidol's Banayad Whisky.
Pidol ang isa sa mga kilalang palayaw ni Dolphy.
Ayon kay Eric: "Ito, official na because we have our IPO, naka-trademark, naka-copyright. We have our own rights to Pidol's Banayad Whisky."
Pinagmamalaki ni Eric na isa raw premium Scotch whisky ang Pidol's Banayad Whisky.
"The thing is the price is not cheap. It is bottled in Scotland kaya siya mahal.
"Kasi, nag-taste test kami, e. We talked to so many people until, finally, itong Highland and Spey, sila ang nag-concoct at yun ang nagustuhan namin."
Ang suggested retail price para sa blended concoction na 700ML ay PHP2,499, at ang 12-year-old premium concoction ay may SRP na P3,499.
May initial launch nang isinagawa si Eric sa SMX noong February 8.
Read: "Jackstone 5" cast members on being fans of Michael Jackson
ERIC QUIZON ON OTHER BUSINESSES NAMED AFTER DOLPHY
Makikita rin sa Instagram account ni Eric ang isa pang negosyo nilang makakapatid, ang neigborhood bakery na tinawag nilang Pidol's Bakeshop.
Bukas daw iyon sa mga nais mag-franchise.
Patuloy din ang pag-develop ng Dolphy Manor sa Dolphy Ville Estates sa Calatagan, Batangas.
Sa naturang lugar itatayo ang isang museum para patuloy na maging buhay ang alaala at legacy ng Comedy King.
Inaasikaso rin ni Eric ang naprodyus na mga pelikula ni Dolphy sa ilalim ng RVQ Productions para maipalabas ang mga ito sa streaming platforms.
Mago-organisa rin daw sila ng kanyang mga kapatid ng special screenings kapag natapos na ang museum.
Read: Celebrity dads with the most number of kids
ERIC QUIZON ON DAD DOLPHY'S IMPACT TO PEOPLE
Nagpapasalamat si Eric at kahit 13 taon na mula nang pumanaw si Dolphy ay marami pa ring tagasuporta ang King of Comedy.
"Kami, on our part, sabi ko in one of my interviews, my dad is already dead, but he is still providing for us," pagtukoy ni Eric sa suporta ng publiko sa inilunsad niyang negosyo kasama ng ibang mga kapatid.
"It is true because all of these things that are happening online now.
"I mean, naka-attach ang name niya. So, meaning, it would not have the same impact if it weren't for his name."
Hindi lang daw basta negosyo ang mga itinayong produkto na nakapangalan sa ama.
Diin ni Eric: "We are so proud that my dad has that impact on people.
"Siyempre ngayon, yung mga bata, parang hindi na nila masyadong kilala, o parang they hear his name and they see his videos.
"So, kaming magkakapatid, let's prolong his legacy and let's push it para people won't forget him. Yun talaga ang goal namin."
ERIC QUIZON ON CONSENSUS AMONG 18 SIBLINGS, ZSA ZSA PADILLA
Sa huli, siniguro raw ni Eric na katuwang niya ang mga kapatid sa mga itinatayong negosyo gamit ang pangalan ni Dolphy.
Thankful si Eric na walang nagiging issue sa kanilang magkakapatid pagdating dito.
"In any estate, it has to be a unanimous vote. If one says no, it will not happen," ani Eric.
"E, ang dami namin, 18 kami, kasama pa si Zsa Zsa," pagtukoy niya sa dating longtime partner ni Dolphy na si Zsa Zsa Padilla.
"May vote din siya because nasa last will and testament. So, kapag may isang humindi, hindi matutuloy."
Paano sila nagkakasundo sa kanilang mga plano?
Sagot ni Eric, "Siguro ang common denominator namin kaya hindi kami nag-aaway-away is because of my dad.
"Kapag nag-uusap kami, ang parati kong sinasabi, 'Put yourself in dad's shoes. Ano sa palagay niyo ang iisipin ni dad with regard to this?'
"I always get back to them and refer to my dad na parang, 'You know Daddy. If you're Daddy, what are you gonna do?'
"So, parating nilalagay nila ang sarili nila sa katauhan ng daddy ko."