Trending ngayon ang Antonio Junior Lugaw-Pares Eatery, isang karinderya sa San Jose Del Monte, Bulacan, matapos kumain rito ang aktor na si Joshua Garcia noong February 17, 2022.
Mismong ang Facebook Page ng karinderya ang nag-post ng mga larawan ng aktor na nakasuot ng uniporme ng pulis.
Kasama niyang kumain ang kapwa-aktor na si Jeffrey Santos.
Nagsimulang mag-react ang netizens dahil sa caption sa FB Page ng karinderya na: “At ang kutsara na ginamit ni Josh naitabi pa po namin.
“Ibinibenta po namin ang pinagkainan niya, hahaha!”
Dahil dito ay kanya-kanya nang comment ang netizens.
Nasa nasabing area sina Joshua para sa location taping ng ilang eksena ng Mars Ravelo’s Darna: The TV Series, na pinagbibidahan ni Jane De Leon.
Ayon pa sa may-ari ng karinderya, bagnet plain rice ang kinain ng aktor, at tila'y nasarapan ito.