Ang Filipino inventor na si Mark Kennedy Bantugon, 26, ay nakatanggap ulit ng international award.
Ito ay dahil sa imbensiyon niyang biodegradable aircraft sealant, na gawa sa Pili resin o dagta ng Pili, isang native Philippine tree.
Si Bantugon ay pinarangalan kamakailan bilang isa sa 10 global honorees ng 2025 Young Inventors Prize na iginawad ng European Patent Office (EPO) sa Iceland.
Ang sampung recipients ay pinili ng independent jury mula sa 450 candidates mula sa iba’t ibang bahagi ng mundo.
Bawat isa sa awardees ay may premyong 5,000 euros (PHP331,000).
Ayon sa website nito, ang Young Inventors Prize ay iginagawad sa mga edad 30 anyos pababa na may “innovative with a purpose and contribute to the United Nations Sustainable Development Goals (SDGs).
"The Prize showcases the transformative power of youth-driven solutions and recognises the remarkable young people paving the way to a more sustainable future.”
Read: Pinoy farmer's son invents a sealant made from pili tree waste
PINOY INVENTOR'S MORE THAN 30 INTERNATIONAL AWARDS
Hindi ito ang unang award na natanggap ni Bantugon para sa kanyang invention na gawa sa waste material ng puno.
Matatandaang noong 2021, national winner siya ng James Dyson Award, which “inspires, encourages and celebrates budding inventors' new, problem-solving ideas - and provides a platform to launch them.”
Ang napanalunan niyang premyo ay PHP 2 million.
Nanalo rin siya sa OCBC Sustainability Innovation Challenge 2023 sa Singapore, at nakakuha ng tumataginting na PHP6.5-million cash prize.
Siya rin ang nagbigay sa Pilipinas ng una nitong national award mula sa World Intellectual Property Organization.
Ilan lamang ito sa higit 30 international competitions na napanalunan ni Bantugon para sa kanyang Pili Seal.
Napaulat din noong 2024 ang tungkol sa $100-million-investment deal niya with a foreign investor from the U.S.
Si Bantugon ay nagtapos ng Bachelor of Science in Aeronautical Engineering sa Philippine State College of Aeronautics.
Pumasa siya sa Aeronautical Engineer Licensure Exam noong December 2022.
Ang kanyang ina ay isang public school teacher, habang ang kanyang ama ay isang magsasaka.
Naging malaking impluwensiya ang kanyang ama para mahubog ang interes ni Bantugon sa farming, na siyang naging daan para matuto pagdating sa mga halaman at hayop.
Si Bantugon ang kasalukuyang president and chief executive officer ng kumpanyang Pili Adheseal na kanyang itinayo noong nakaraang taon.
Ang kanyang produktong non-toxic aircraft sealant and adhesive product ay maganda at ligtas na alternatibo kumpara sa mga competitors nito.
Bukod sa locally made ito, higit na mas mura kumpara sa mga kalabang produkto.
Sa kabila ng kanyang tagumpay, ang hangad ni Bantugon ay makatulong sa kanyang mga kababayan.
“To give back to my local farming community, kasi, at the end of the day po, isa po sa mga magbe-benefit po ng paggawa ko ng produktong ito po, especially pag dinala ko siya sa merkado po, ay ang atin pong mga farmers.
"Kasi mabibigyan po natin sila ng panibagong streams of income,” aniya sa GMA Integrated News report noong 2024.
Read: Inventor-aeronautical engineer Mark Kennedy Bantugon recounts times his faith in God was tested