Pambihira ang pagtatapos sa high school ni Diana Lopez na residente ng Louisiana sa Estados Unidos.
Nag-graduate siya bilang summa cum laude sa South Cameron High School sa nabanggit na state.
Siya rin ang nag-iisang graduate sa eskuwelahang ito ngayong 2025.
Ibig sabihin, solo siyang naglakad at ginawaran ng diploma sa graduation ceremonies.
Junior high school student si Diana, pero mas napaaga ang kanyang pagtatapos sa enrollment na ino-offer ng South Cameron High School.
Ginugol niya ang oras sa senior classes nang mag-isa, at nag-excel siya rito, ulat ng KPLC 7, ang TV station sa Lake Charles, Louisiana.
Nakakuha siya ng 4.0 Grade Point Average (GPA), kaya nakamit ang Latin honor na summa cum laude.
Ipinaliwanag ni Diana kung paano niya nagawang pagsabayin ang junior high school at senior high school classes.
"I was able to kind of combine the two years taking dual enrollment classes, online classes, and just, overall, having a full seven-hour schedule," aniya sa The Advocate.
"I was able to complete all the credits and graduate early."
May mga pagkakataong ginagawaran ng Latin honor ang isang high school graduate batay sa nakuha nitong GPA, ayon sa ilang academic sites.
Sabi naman ni Diana sa kanyang achievement, “It’s like a one-in-a-million chance, and it just really means that I was able to push myself, and do everything that I wanted to do.
“And, even more, it just means that I know I’m going to be able to accomplish a lot harder things in the future.”
Aniya sa kanyang accomplishment, “It was pretty nice, but kind of bittersweet, being in a class all by myself.”
“That was a lot of my drive for wanting to graduate early, coming from not a very financially stable background. I really wanted to be able to go to college,” sabi ni Diana.
Nakakuha si Diana ng $50,000 worth ng college scholarship, at plano nitong mag-nursing sa Northwestern State University.
Read: Miss World Somalia, survivor of female genitalia mutilation
SOLO senior high GRADUATE
Pero bakit walang batchmates si Diana?
Tumama kasi ang Hurricane Laura sa Louisiana noong 2020. Isa ito sa mga “deadly and destructive” tropical cyclones na naitala sa U.S. state.
“The entire class relocated, so that’s when it became a class of none,” paliwanag ni Lindsey Fontenot, ang school principal.
“And so, when Diana decided to graduate early, it was exciting.”
Idinagdag ng principal na mas maraming senior high school graduates next school year dahil mayroon na silang 14 junior high school students ngayon.
Bago ng graduation ni Diana, maliit lamang ang graduating classes sa school na ito. Karaniwan, umaabot lamang ng walo hanggang 14 ang graduates.
Pero sa kabila nito, sinabi ng principal na magsasagawa sila ng ceremonies para sa graduation ni Diana kahit na mag-isa ito.
Ginanap nga ang graduation ceremony para kay Diana noong May 13, 2025.
Read: Triplets graduate summa cum laude with similar degrees