Isang registered midwife ang nanay ni Janelle Toledo Fauni, 22, kaya sinundan niya ang mga yapak nito.
Tubong Tagaytay City, pangalawa siya sa tatlong magkakapatid.
Nagtapos si Janelle ng Diploma in Midwifery sa Cavite State University-Indang, Cavite, noong August 16, 2023.
Top 1 siya sa November 2023 Licensure Examination for Midwives, with a rating of 91.65 percent.
Nakakuwentuhan si Janelle ng PEP.ph (Philippine Entertainment Portal) last February 5, 2024 via Facebook Messenger.
Pagbabahagi niya, noong una, ang gusto sana niya ay kumuha ng Bachelor of Science in Biology.
“Kaso naisip ko na want ko ring magka-license, so, pinaka-ideal na sa akin ang Bachelor of Science in Nursing.
“Nag-apply po ako sa dream school ko—sa University of the Philippines-Manila—pero sadly, hindi po ako pinalad sa UPCAT (UP College Admission Test).
“Nung nag-apply na ako sa CvSU, naisip ko pong mag-take ng midwifery para same kami ng title ni Mama.”
Read: College student sends out almost 500 internship applications; gets accepted after four months
JANELLE'S MOMENTS OF DOUBTS
Gaya ng ibang estudyante, noong nasa kolehiyo pa lang ay maraming doubts si Janelle sa sarili.
“Na-feel ko po before na hindi ako magaling. Marunong lang... ganun.
“Lalo na nung bandang first year pa lang ako at nasa pandemic nun, feeling ko ay average student lang ako.
“Pero nagtuloy pa rin akong mag-strive kasi ayokong mag-settle sa ‘marunong lang.’
“Kailangang galingan din sa life.”
Para madagdagan at mahasa ang kanyang knowledge and skills, nanood siya ng maraming demonstrations sa YouTube.
Bukod dito, “Marami-raming binasang libro, saka nagpuyat sa dami ng requirements na need kong i-comply.”
Read: 2024 health predictions this Year of the Wood Dragon
JANELLE'S REVIEW PERIOD
Nang maka-graduate, naging malaking challenge kay Janelle ang pagbiyahe mula Tagaytay papuntang Manila linggu-linggo.
“Kasi sa Manila po ang review center ko.
“Tipong kahit sa bus, nagre-review ako.”
Ani Janelle, talagang sineryoso at tinutukan niya ang pagre-review.
“Kahit sa pagligo, isinasabay ko ang pakikinig ng recorded lectures kasi feel ko ay napag-iiwanan ako sa review.”
Naging challenge din sa kanya ang pagkukumpleto ng requirements for board exam.
“Muntik na akong hindi makahabol sa deadline ng PRC Board Application gawa ng marami-rami akong need na ayusin na papers, at need ko pa ulit umuwi ng Cavite para maayos lahat iyon.”
Read: VIRAL: Mga taong may kahawig na obra sa museum; reincarnation o may scientific explanation?
JANELLE'S EXAM
Sa araw mismo ng board exam, hindi niya napigilang magdasal.
“May ibang questions na madali, may questions na kinaya, may questions na hindi ako sure kung ano ba yun, pero marami ring mahihirap at challenging.
“Minsan, may times na binibitawan ko ang lapis ko, sabay pikit at pray.
“Wala na akong pake kung nakikita ako ng proctors sa unahan. Basta tumitigil ako minsang magsagot para mag-pray, at nanghihingi ng sign kay Lord kung tama ba ang sagot na pipiliin ko sa mga question na hindi ako sure at all.
Aminado naman siya na pinangarap talaga niyang maging board topnotcher.
“Bago ko pa lang po pinili yung course ko sa college, bago pa ako tanggapin ng CvSU, naghahangad na akong maging topnotcher sa kung anumang board exam ang ite-take ko.
“Kasi siyempre ang laking karangalan noon. Ilan lang ang nakaka-top sa boards—sampu o higit pa depende kung may mag-tie man sa spot.
“Kaya nag-manifest ako na sana ako rin someday... na sana makita ko rin ang pangalan ko sa listahan na yun.”
Read: Gen Z TikToker gets real about challenges of job hunting
JANELLE'S REACTION TO TOP-ONE FINISH
Nang lumabas ang result ng board exam ay nasa isang movie house si Janelle para manood ng concert ni Taylor Swift.
“Nag-uninstall po ako ng social media apps ko nun para hindi ko isipin yung release ng results that day.
“Nagsunud-sunod ang tawag sa akin ni Mama, at doon ko siya sa CR ng sinehan sinagot.
“Doon ko po nalaman na topnotcher pala ako, kaya doon ako sa CR humagulgol nang sobra at puro pasasalamat lang kay Lord ang nasabi ko.”
Ani Janelle, kasalukuyan pang kinakanta ni Taylor Swift ang “You’re On Your Own Kid” nang malaman niyang pasado siya sa board at Top 1 pa.
“Doon ko isinabay yung iyak ko and puro ‘Salamat po, Lord’ lang nasabi ko nang paulit-ulit.
“Nakatulala lang ako sa tren pauwi ng Recto nun kasi overwhelmed akong masyado sa nangyari.”
Read: Love At The Right Time: Content creator's selfie captures future husband before they met
Inialay ni Janelle ang tagumpay sa kanyang family at mga kaibigan na naniwala sa kanyang kakayahan.
“Kay Mama, lalo na. Pero pinakainiaalay ko lahat nang tagumpay ko kay Lord.
“Kasi Siya at Siya lang ang nakakaalam ng isinisigaw ng puso ko mula simula. At sinagot Niya lahat nang panalangin ko.”
Read: "Mapait na paglalakbay" ni Wenn Ricaforte tungo sa "mas matamis na tagumpay"
Ang plano ni Janelle ay mag-aral pang muli.
“Magte-take po ako ng nursing. Ayun pa lang po as of now.”
Ang payo niya sa mga tutuntong sa kolehiyo, “Tandaan niyo lagi na piliin niyo ang bagay na tama at bagay na makapagpapasaya sa inyo.
“Kasi at the end of the day, ikaw at ikaw lang ang nakakaalam kung fulfilling ba ang kursong tatahakin mo.
At kung anuman ani Janelle ang mapiling kurso, “Ibigay ang buong puso, and be the best version of yourself as a professional.”
Read: 21 gamot sa maintenance at malulubhang sakit, exempted na sa VAT
(Janelle's quotes were published as is.)