Kung inaasahan mong ma-inspire sa privilege speech ng working student na nag-graduate bilang summa cum laude sa University of the Philippines Diliman, mag-next video ka na lang!
Dahil imbes magbigay ng inspirational message, pinili ni Val Anghelito R. Llamelo, 22, ang mag-reality check sa kanyang valedictory address nang mag-graduate sa kursong Bachelor of Public Administration sa kilalang state university sa bansa nitong July 28, 2023, na ginanap sa UP Film Institute sa Quezon City.
Read: Why UP Diliman graduate Leo Jaminola shuns labeling himself as "success story"
NOT YOUR TYPICAL VALEDICTORY ADDRESS
Bakit nga ba hindi nakaka-inspire ang message ni Val na ayon pa sa kanyang post ay “para sa isang makatao, pantay, inklusibo, at patas na Pilipinas”?
Sa mga unang pangungusap pa lamang ay ipinahiwatig na nitong hindi tipikal ang kanyang speech.
“The inspirational and motivational types of valedictory addresses are the common types we hear during this graduation season.
“This time, however, I wish to deviate from that norm and standard, so I chose not to inspire you with my speech today. But first, let me tell you my story,” bungad ni Val.
Sinundan niya ito ng narrative tungkol sa kanyang mga pinagdaanan, mga struggles, at successes habang pinagsasabay ang pag-aaral at ang pagtatrabaho.
Base sa kanyang salaysay, naging call center agent, marketing assistant, at tutor siya para sa iba’t ibang kumpanya upang matustusan ang mga gastos sa eskuwela at pagiging breadwinner din ng pamilya.
Nawalan ng trabaho ang kanyang amang overseas worker at nakatatandang kapatid nang dahil sa COVID-19 pandemic.
Bagamat may perfect recipe umano ang kanyang istorya upang gumawa ng headlines sa news at social media for getting a record general weighted average (GWA) of 1.0756 (the highest sa UP National College of Public Administration and Governance o NCPAG), Val refused to be that “Working Student at Anak ng dating OFW, nagtapos bilang Summa Cum Laude sa UP.”
Aniya, “In the past, I used to celebrate this ‘success’ like others, but the privilege of having a UP education taught me to question why such a fundamental human right as education, which must be granted to each of us, is not a natural occurrence.
“Na tila hindi pangkaraniwan sa paningin ng iba na may nakapagtapos na isang mahirap.”
Read: Meet Romer Gutierrez Jazo: former seaman, waiter, bartender now manpower agency owner in the U.S.
LABAN, LAGI’T LAGI PARA SA BAYAN!
Sa isang bahagi ng kanyang talumpati, Val related kung bakit hindi niya intensiyon na mag-inspire, bagkus ay mag-encourage ng discontentment at frustration dahil sa mga tinatawag niyang “structural barriers.”
Aniya, “My journey and story should not be a standard for success, but a testament to the need to dismantle the barriers we have in our society so that we can create an equitable path for all.”
Dagdag pa niya, “Because as long as stories similar to mine persist and continue to be ‘surprising news’ for others, it speaks volume about the prevailing reality we live in today where access to quality education remains a privilege, dependent on one's socio-economic status rather than a right that is accessible to all.”
Taliwas sa tema ng graduation ceremony nung araw na iyon na: “Matatag at maaasahang serbisyo publiko sa gitna ng pagbabago at kawalang katiyakan," hamon ni Val na pagtuunan muna ng lahat, “For whom do we dedicate this service?”
Sundot niya, “Masasagot lamang natin ang tanong na ito kung mayroon tayong kamalayan sa inekwalidad o hindi pagkakapantay-pantay na nanunuot sa lipunang ating ginagawalan.
“Dahil kahit na lahat tayo ay nakakaranas ng pagbabago at ng kawalan ng katiyakan sa oras na may kinakaharap tayong suliraning panlipunan, hindi natin maikakaila na magkakaiba ang paghihirap na ating nararanasan, at dahil iyan sa uri o class na nating kinabibilangan,” pagpapatuloy niya.
Ginamit din niyang halimbawa ang pandemya.
“While COVID-19 affects everyone regardless of class, the existing disparities and differences in our socio-economic status influence how we experience its effects and how we deal with its consequences.”
Pagkatapos ay inisa-isa niya ang napansing inekwalidad, simula sa education sector hanggang sa health, science and technology, at disaster resilience.
Sa huli ay nanawagan ito sa mga colleagues na unahin ang bayan bago ang sarili.
“Huwag sana natin tularan ang mga pulitikong pinanday ng UP ngunit mas inuuna ang sarili bago ang bayan.
“Mga Iskolar ng Bayan, tuloy lang ang ating laban!”
Read: Inakay na napulot ng magsasaka sa CamSur, isa palang Philippine Hawk Eagle
VIRAL SPEECH
Mabilis nag-viral ang video ng speech ni Val na ipinost sa kanyang Facebook account noong August 1, 2023.
Ang makatawag-pansing caption nito: “A Valedictory Address That Won’t Inspire You”
Humakot na ito ng karamihan ay papuri mula sa netizens, at sa ngayon ay mayroon nang 71,000 views, 6,500 reactions, 2,470 shares, at 255 comments.
Bukod sa mainit na pagbati ng “Congratulations” ay nagpakita ng higit na paghanga ang netizens sa katapangan ni Val for saying what he said.
Narito ang ilan sa comments:
Comment ng isa: “I like the idea. Your thinking is better be heard by those in the government service especially those in the education sector.
"Wake-up call especially to politicians. This very laudable speech must be heard by lawmakers specifically.”
Sabi ng isa pa: “Truly an inspiring story of struggle, poverty, perseverance, determination, and incomparable passion for learning. You deserve a big congratulations, Val. God bless you. Thank you for adding feathers on our clan's cap.”
Pagsang-ayon ng isa pa, “Wake up call sa lahat ng makasarili. Congratulations po!”
Pagbati ng isang netizen, “Congratulations for graduating, after breaking through those challenges. I say, you get what you deserve.
"How wonderful it is to see people graduating from college, advocating patriotism over individual centered development, and questioning the never-been-enough status quo. Lagi't lagi para sa Bayan.”
Ipinost din ang full transcript ng speech sa parehong FB account noong August 2.
