Napaka-espesyal para kay Napoleon Nazarene Regis ng pagpasa ng kanyang ina na si Nancy D. Regis sa November 2022 Philippine bar examination.
Last April 14, 2023, matapos lumabas ang resulta ng bar exams ay nag-post si Napoleon sa Facebook tungkol sa naging journey ng kanyang ina bago ito tuluyang naging abogada.
Nilagyan niya ito ng title na: “ATTORNEY @ 65 years old!”
Nagbigay ng pahintulot si Napoleon na maibahagi ng PEP.ph (Philippine Entertainment Portal) ang kanyang post.
Read also: Ar-rashid Taradji, mula sa pamilya ng nurse at doktor, top 14 sa bar exam
naudlot na pangarap
Panimulang kuwento ni Napoleon, 40 years ago ay nagdesisyon ang kanyang ina na huwag nang ipagpatuloy ang pag-aaral ng law.
Ginawang prayoridad noon ni Nancy ang pag-aaruga sa tatlong anak na babae.
“She got pregnant at an early age of 23. She made a choice to set aside her dreams, and put first the dreams of her children to finish school.”
Mahirap aniya ang buhay nila noon, ngunit maluwalhati nilang naitatawid.
Twenty-eight years ago, dumating muli kay Nancy ang panibagong pagkakataon na maipagpatuloy ang naudlot na pangarap.
Pero ani Napoleon, “They were given a different blessing, a gift and one that they all have been praying for.”
Natatawa niyang kuwento, ipinagbuntis siya ng kanyang ina.
Pangarap kasi ng kanyang parents na magkaroon ng anak na lalaki.
nag-aral imbes na mag-retire
Pagpapatuloy ni Napoleon, “Eight years ago, with the grace and mercy of God, all her children became professionals.
“She thought this was the perfect time to pursue law.”
Gayunpaman, panibagong ordeal ang kinaharap ni Nancy.
Hindi idinetalye ni Napoleon kung ano ito, pero aniya ay nagkaroon ng problema sa kalusugan ang kanyang ina.
“The most dreaded condition threatened her very existence.
“Major operations were done, went through several treatments, therapies, outstanding bills here and there, took medications religiously and prayed day after day.”
Ani Napoleon, isang taon ding nakipaglaban sa naging health condition ang kanyang ina—hanggang tuluyan itong gumaling.
Read also: University of Baguio’s Anthony Mark Emocling becomes first blind passer of bar exam
Sinabi nila kay Nancy na nagtagumpay ito sa isang mabigat na laban.
“And it’s time to live a stress-free, healthy, and happy retired life.”
Pero tumanggi ang kanyang ina na magpahinga na.
“She continued to work as a government employee for a living, and finally studied law on weekends.”
Bukod dito, nagagampanan pa rin ni Nancy ang pagiging ina, lola, maybahay, at businesswoman.
Noong 2020, natapos ni Nancy ang law.
“In the previous Bar exam, my mother took the test for the very first time at the age of 65.”
Ibinigay ng buong pamilya kay Nancy ang lahat ng suporta. “With not an ounce of pressure from us.
“We frequently reminded her that being able to graduate from law school, going through the bar review and taking the bar exam together with people twice or thrice as young as her age, is already something to celebrate!”
Payo umano nila noon kay Nancy, “Just keep calm and take the exam as if it’s just another pop-up quiz.
“And just now, the result came out! My mother is finally a lawyer at 65 years old!”
inspirasyon para sa iba
Ani Napoleon, si Nancy ang isang halimbawa kung gaano kahanga-hanga at hindi masusukat ang lakas at sakripisyo ng mga ina.
Marami sa netizens ang na-inspire sa journey ni Nancy, at nagpaabot ng pagbati sa kanyang pagpasa sa bar.
Nagpasalamat naman si Napoleon sa mga ito, maging sa mga indibidwal at grupo na patuloy na nagse-share ng kuwento ni Nancy.
Paalala niya sa mga makababasa ng kuwento ng kanyang ina, “If you are going through something unspeakable, if you are enduring a silent battle, if you think you are not enough because you lack financial support, you have so many priorities, you feel too old, you feel left behind and if you are dreaming and hoping of something that seems so, so far away, hang on to that flicker of hope inside you.
"Let this be a sign, a testament that in time, in God’s precious perfect time, also you can make it!”
Sa huli, binati ni Napoleon ang ina sa tagumpay nito.
“Congratulations, Mama!”
Read also: Beauty queens, siblings, police officer, licensed professionals among 2022 Bar Exam passers