Tinanghal si Ju-Im Jimlan bilang national winner ng Dangal ng Bayan Award o ang Search for Outstanding Government Workers for 2022.
Sa kasalukuyan, si Ju-Im ay Head Teacher I sa Tamalagon Integrated School sa Aklan.
Ang pagkakahirang sa kanya para sa nasabing parangal ay inianunsiyo ng Civil Service Commission (CSC) noong January 10, 2023.
Sa inilabas na pahayag, pinuri ni CSC chairperson Karlo Nograles ang pambihirang nagawa ni Ju-Im sa larangan ng public service.
“For upholding public interest, particularly student welfare, over and above personal interest, he is one of this year’s recipients of the Outstanding Public Officials and Employees or Dangal Ng Bayan Award,” ayon sa opisyal.
Binanggit din ng CSC ang backstory ng awardee, na malaki ang naging kontribusyon kaya gayun na lang ang passion nito sa pagtuturo.
“Tamalagon Integrated School Head Teacher I Ju-Im T. Jimlan’s painful experiences as a child growing up in Marawi motivated him to be the best teacher he can be by knowing that education is key in changing a child’s life.”
Maraming naging inisyatiba si Ju-Im at na-develop na teaching strategies para sa learners ng kanilang school.
Aktibo rin siya sa pagtulong sa komunidad, lalo na kapag may kalamidad.
Pagbabahagi ng CSC, “He developed innovative teaching approaches and information materials, such as Tuklas-Aral, Bisita-Kumustahan, Modyul Mo, Hatod Ko, among others.
“He is active in community work, volunteering as a responder during Typhoon Odette and organizing donation drives for COVID-19 frontliners.”
Kabilang sa Dangal ng Bayan Award ang iba pang awardees sa sektor ng state auditing, social welfare and development, administration and planning, medical sector, at iba pa.
Ipinagkakaloob ang parangal sa isang indibidwal dahil sa kanyang “extraordinary act or public service” at “exemplary ethical behavior.”