Ipinagmamalaki ng Isabela State University-Echague Campus si Pauline Jane D. Acag na Top 6 sa September 2022 Agricultural and Biosystems Engineering Licensure Examination.
Nakakuha siya ng rating na 83.68 percent.
Siya rin ang kauna-unahang babaeng engineering board topnotcher sa nasabing unibersidad.
Nagtapos siya noong August 2021.
Ang 23-year-old na bagong engineer ay nakapanayam ng PEP.ph (Philippine Entertainment Portal) noong September 25, 2022.
Tubong Cauayan City, Isabela, kuwento ni Pauline ay panggitna siya sa tatlong magkakapatid.
“Since I was young, I have wanted to become an engineer.
“Isa sa mga naging challenge sa akin ay ang mapalayo sa family nang mag-college na ako. At 17 years old, that was my first time being away from my parents.”
Eventually, naka-adjust naman siya sa buhay-college.
“I’m thankful for my friends and classmates in ISU as well as sa support ng mga professors namin.”
Nakatulong din sa kanya ang ang pagsali sa PSAE-PPG, isang organisasyon na binubuo ng mga agriculture engineers and students.
“Malaking tulong kasi ang mga libreng review na ibinibigay ng organisasyon sa mga members.”
unang tangka sa BOARD EXAM nabigo dahil sa covid
Smooth ang naging pag-aaral sa kolehiyo ni Pauline. Dumating lang ang problema nang kukuha na siya ng board exam.
Aniya, “I was about to take the ABELE last 2021. Unfortunately, I tested positive for COVID-19.”
Sobra umano siyang na-disappoint noong panahon na iyon.
“I also feel na if I took the exam last year with my condition, I won’t perform my best.
“I was discouraged sa result ng rapid test.”
Napilitan siyang umuwi muna sa kanila sa Cauayan City kahit mahirap ang transportasyon.
“Good thing na nakauwi naman ako sa amin nang safe, and my parents were very supportive of me.
“This 2022 exam, I felt like everything went smooth.”
PARA SA KANYANG PARENTS ANG TAGUMPAY
Aminado si Pauline na nahirapan siya sa exam.
“There are questions na I’m really not sure sa correct answer.
“And, no... I really didn’t expect to be on Top 6.”
Kaya nang lumabas na ang resulta at malaman niyang Top 6 siya, “I was stunned!
“My friends and classmates from ISU flooded me with congratulatory messages.
"I really didn’t expect to be on the Top 6!”
Ang unang ginawa ni Pauline ay tinawagan ang kanyang ina at sinabi rito ang magandang balita.
“Umiyak siya habang kausap ko after I told her na engineer na ako...
“Then noong nalaman niya na Top 6 ako, tumalon naman siya sa tuwa.”
Ani Pauline, bagaman at “cliche as it may sound,” ang tagumpay niya ay para sa kanyang parents.
“They’ve been so supportive since day 1.
“After ng incident last year na hindi ako natuloy mag-exam, my parents really made me feel na I am not alone.
“They told me not to pursue muna finding a job and focus on reviewing for the board exam.”
Ibinigay umano ng mga ito ang lahat sa kanya.
“Financial, emotional and mental support. And they never made me feel na I was being left behind kahit na working na ang aking batchmates.”
ENJOY THE PROCESS, IMPORTANTE ANG SUPPORT SYSTEM
Sa ngayon, pansamantalang nagpapahinga at pinag-aaralan muna ni Pauline ang kanyang next step sa kanyang career path.
“After the ABELE result, there are public and private institutions na nag-offer ng job.
“I am considering entering into research centers or institutions, and eventually work as an instructor for the college of engineering to help educate future engineers.”
Payo niya sa mga gustong kumuha ng engineering, “Make sure you are committed to being an engineer.
“There are struggles na halos feeling mo hindi mo na kaya. But if you love what you do and you are passionate enough, kakayanin mo.”
Kailangan din aniyang i-enjoy ang process.
“Important din kasi na enjoy ka sa ginagawa mo so you can really appreciate the outcome ng hardwork mo.”
Higit sa lahat, kailangan din ani Pauline ng strong support system.
“College life is hard—the five years of study—dagdag pa ang review and taking of the board exam. Mahirap itong kayanin alone.
“It can drain you mentally, emotionally, and physically. Having a strong support system makes all the difference.”