Noong six years old si Melodie Garcia, hinalikan siya ng kanyang escort na si Edil John Lanticse.
Pagkatapos ng 26 years, muli siyang hinalikan ni Edil John, this time, bilang groom sa kanilang kasal.
First kiss to forever ang love story nina Melodie Garcia-Lanticse at Edil Lanticse John ng Cebu City.
Ipinagdiwang nina Melodie at Edil John ang kanilang first wedding anniversary nito lang January 28, 2022.
Si Melodie, 33, ay isang public school teacher at si Edil John, 33, ay isang project head network installer sa isang IT company.
Sa kanilang kasal last year, magkatabing ipinost ni Melodie ang childhood photo nila ni Edil John at ang kanilang wedding photo.
Parte ng caption ni Melodie: “First love never dies! It only gets stronger with TIME.
“No matter how it takes, true love is always worth the wait!”
IT STARTED WITH A KISS
Sa pagkakatanda ni Melodie, sumali siya noon sa isang kiddie beauty pageant sa kanilang barangay.
Si Edil John ang kanyang escort.
Kuwento ni Melodie sa interview ng PEP.ph via email noong February 12, 2022, “Magkababata kasi kami at magkapitbahay kami noon.
“Sabi ng magulang namin kapag nasa stage na [kami] dapat hahalik si John.
“Pero dahil bata pa ako, ayaw ko pa magpahalik.
“Tumagilid ang mukha ko kaya sa pisngi lamang dumampi yung halik na iyon.”
When Melodie Garcia-Lanticse was in elementary, she joined a kiddie pageant in their barangay. Edil John was her escort.
Nawalan ng komunikasyon ang dalawang magkababata nang paalisin ang pamilya nina Melodie ng owner ng lupang kinatatayuan ng kanilang bahay.
Hindi na sila nagkita sa loob ng maraming taon hanggang 2014 nang nagkatagpo muli sila sa kaarawan ng isang common friend.
Sambit ni Melodie, “Walang spark na namamagitan sa amin sa muli naming pagkikita.”
Aniya, nagkaroon sila ng kuwentuhan ni Edil John, pero hanggang doon lang.
Heartbroken pa raw kasi noon si Melodie dahil katatapos lang ng kanyang eight-year relationship.
Paggunita niya, “We broke up February 2014. We were really planning to get married. I was happy back then. But things got shaky.
“I know God has plans for me. That breakup [broke] me, but I hold unto Him.”
Si Edil John naman ay bumalik na sa Maynila at nawalan muli sila ng komunikasyon.
Makalipas ang tatlong taon, natiyempuhan ni Melodie si Edil John sa Facebook.
Sabi niya, “His FB post caught my attention in 2017. That simple FB message turned into something wonderful.”
Sa pagbabalik-tanaw ni Melodie, simula na raw iyon ng masasayang araw nila ni Edil John.
“We went out, got long talks, and it made me think, ‘God is it time?’”
Kahit takot na magmahal muli, nanalig daw si Melodie, “I was genuinely happy. I am whole again.
“It made me realize God let me go through that pain to have this. I deserve all these.”
Hanggang sa ikasal na nga sila noong January 28, 2021.
ROAD TO FOREVER DESPITE THE CHALLENGES
Nakaranas ng pagsubok ang mag-asawa pitong buwan matapos ang kasal.
Pagtatapat ni Melodie, “It was in August 2021 when I had my miscarriage Anembryonic pregnancy (blighted ovum).”
Pero kumapit pa rin sa kanyang pananampalataya si Melodie.
Nalagpasan nilang mag-asawa ang pagsubok sa tulong ng mga taong nagmamahal sa kanila.
“I always believe that His plans are greater than us,” sabi ni Melodie. “God gave us an angel instead of a baby.
“Hopefully one day He reserved the best for us.”
Hanggang noon ngang January 28, nag-celebrate sila ng kanilang unang taon bilang mag-asawa.
“One down, forever to go," sabi ni Melodie.
Melodie and Edil John celebrated their first wedding anniversary on January 28, 2022.
Nagbahagi rin si Melodie ng mga natutunan niya pagdating sa pag-ibig.
Aniya, hindi assurance ang tagal ng pagsasama na kayo hanggang sa dulo.
“Even though mataas na yung eight years ng ex ko, there is no guarantee in a relationship...” sabi ng guro.
“At some point, I realized that destiny will find its way.”
Aniya, magmahal pa rin nang totoo dahil ang pag-ibig ay may ups and downs.
“Learn to wait and pray for that one true love ‘cause He listens.
“Bibigyan ka talaga Niya ng para sa iyo.
“And never give up. People will try to dampen your spirits.
“There will be failures. That's part of life, learn from the failures and rise up.”