Sa unang pagkakataon, animo'y gold medalist ang isang Pilipino sa itinuturing na "Olympics of high school debates."
Nakuha ni Robert “Toby” Leung, isang Grade 12 student mula sa Philippine Science High School – Baguio Campus, ang titulo bilang Overall Best Speaker sa ginanap na World Schools Debate Championships (WSDC).
Kumamada si Toby ng average na 73.17 speaker points across eight preliminary debate rounds, at nanguna sa 372 iba pang estudyanteng kalahok sa iba't ibang panig ng mundo.
Kabilang sa kanyang mga tinalo ang mga kinatawan ng Canada at Singapore na itinuturing na “debate powerhouses”.
Ang 2021 WSDC edition ang ikalawang sunod na pagkakataon na ginanap ang kumpetisyon via Zoom.
Idinaos ito mula July 26 hanggang August 6, 2021.
Ang Macau ang nag-organisa at naging host ng edition ngayong taon na nilahukan ng 76 na bansa.
FIRST BIG WIN NG PILIPINAS SA WSDC
Nagsimula noong 1988, ang WSDC ay isang annual global debate competition na itinuturing bilang "Olympics of high school debate" ng debate societies. Gumagamit ito ng World Schools format, ang global standard para sa high school debating.
Wala pang Pinoy na nanalo o nabigyan ng award bilang Best Speaker sa kasaysayan ng tournament kundi ngayon lang, kaya't malaking karangalan ito para sa Pilipinas.
Nakipagdebate ang Philippine team sa mga paksa tungkol sa commercialization of space, the right of Olympic athletes to protest, reducing income tax rates for women, and the Westernization of elites in post-colonial countries.
PHILIPPINE TEAM NAKUHA ANG IKATLONG PUWESTO
Nakuha naman ng Philippine team ang bronze medal nang makarating sa semifinals sa ikalawang pagkakataon. Unang nakuha ng ating bansa ang merit noong 2012.
Ang Philippine team ay may 6 wins and 2 losses out of 8 preliminary rounds, at pumangatlo sa knockout rounds.
Tinalo ng mga Pinoy ang Czech Republic sa pre-octos, India sa octofinals, at Romania sa quarterfinals para makarating sa semis.
Natalo naman sila ng Hong Kong sa topic na “This House supports an individual carbon credit.”
Samantala, nabigyan rin ng best speaker awards sa 2021 WSDC edition ang iba pang miyembro ng Philippine high school debate team.
Fourth Best Speaker si David Bloom mula sa International School of Manila; 6th Best Speaker si Jake Peralta ng Southridge High School, at si Riva Fong mula sa De La Salle Zobel ang 11th Best Speaker.