Dalawang Pinay ang kabilang sa mga mapalad na nakatanggap ng imbitasyon sa koronasyon ni King Charles III sa Westminster Abbey, sa London, England, nitong Sabado, May 6 , 2023 (UK time).
Sila ay sina Charito Leonardo Romano at Xyza Macutay-Malloch, na personal na nasaksihan ang pambihirang okasyon na pinanood ng buong mundo.
Paano napabilang sa guest list ng British royal family ang dalawa?
SERVICE TO THE COMMUNITY
Sina Charito at Xyza ay mga nurses na nagtatrabaho sa United Kingdom.
Si Charito ay staff nurse sa Arbrook House Care Home, isang private care home sa Esher, Surrey.
Samantalang nursing home manager naman si Xyza sa Kingsley House sa Gumstool Hill.
Parehong ginawaran sina Charito at Xyza ng British Empire Medal o BEM ni Queen Elizabeth II+ bilang pagkilala sa matapang at tapat nilang serbisyo noong kasagsagan ng COVID-19 pandemic na nagsimula nung 2020.
Ang BEM ay iginagawad sa community volunteers bilang pagkilala sa kanilang "meritorious" actions.
Sabi ni Charito sa panayam ng ABS-CBN noong 2021 matapos matanggap ang karangalan, "A lot of nurses have died during the pandemic. I feel for them. They are really the true heroes but being awarded this shows that the UK is indeed a diversified country and is recognizing Filipinos and all nurses who give service to their people, our people."
Kuwento pa niya, "None of our [42] residents have contracted COVID.
“Isa pa, kung maalala niyo, may shortage ng PPE sa England. It was so heartbreaking at the time that you are dealing with infection, you don’t have anything to use to protect you.
"We rallied, it was a team effort.
"All throughout the pandemic, none of our residents contracted COVID."
Katulad ni Charito ay sinikap din ni Xyza na protektahan laban sa COVID-19 ang mga pasyente sa pinapasukang health care facility.
"Amidst the growing number of cases we see everyday and the worries I have as a home manager about how to keep the virus away from our little nursing home, there is hope," sabi ni Xyza sa pahayagan na Wilts and Gloucestershire Standard kaugnay sa pagbibigay ng bakuna kontra COVID-19 sa kanilang mga pasyente.
Nagpasalamat naman si Charito sa pagkilala sa kanila ng pamahalaan at monarkiya ng Inglatera.
"Napaka-suwerte natin dahil ang England, ini-embrace ang kultura ng Pinoy," saad ni Charito sa panayam ng ABS-CBN.
"Tayo ay kanilang pinagkakatiwalaan, at tayo ay kanilang kinakanlong sa kanilang bansa."
MINGLING WITH THE STARS
Sa mga larawang ibinahagi ng Facebook page ng Britanya Ngayon na kuha nung coronation ceremony ay bakas ang saya sa mukha nina Charito at Xyza.
Bukod sa pictures ng invitation letter na kanilang natanggap ay may kuha rin ng selfie nila with famous celebrities, katulad nina Lionel Richie at Katy Perry.
"These ladies are the lucky ones to be invited to attend the historic coronation ceremony of King Charles III in Westminster Abbey," ayon sa caption ng post ng Britanya Ngayon.
"They have mingled with head of states/government, celebrities, royal families, and other dignitaries.
"The ladies expressed their surreal feelings and their gratitude because they were chosen to represent the Filipinos on this momentous occasion."