Short but sweet ang mensahe ng ina ng StarStruck Season 6 Ultimate Female Survivor na si Klea Pineda na si Charito Ching Pineda para sa aktres.
Ito'y matapos ianunsiyo ni Klea sa publiko na isa siyang miyembro ng LGBTQIA+ (lesbian, gay, bisexual, trans, queer, intersex, asexual +) community.
Nitong Linggo, March 19, 2023, nagdiwang ng ika-24 kaarawan si Klea kasabay ng pag-amin niyang siya ay "gay."
"I'm proud na sabihin sa lahat ng mga Kapuso natin na I'm gay.
"I have a rainbow heart and I'm out and proud.
“May something inside of me na napi-feel ko talaga na kailangan for me. Ako naman,” bahagi ng pahayag ni Klea sa panayam sa kanya ni Nelson Canlas na umere sa 24 Oras.
Read: Kapuso actress Klea Pineda comes out as gay
Ayon pa kay Klea, nakaramdam siya ng takot bago mapagdesisyunang isapubliko ang kanyang sexual orientation dahil baka maapektuhan ang showbiz career niya.
“Yung takot andidiyan siya parati, pero mas nangingibabaw yung excitement.
"For the longest time, parang nagbi-base ako sa mga tao kung sino talaga ako.
"Parang ito yung masasabi ko na sa akin, na ako. Ako to. And I’m proud na eto ako," saad niya.
Sa kabila nito, ipinahayag din ng Kapuso actress na naniniwala siyang hindi limitasyon ang sekswalidad para ipagpatuloy ang kanyang showbiz career lalo na't suportado siya ng kanyang pamilya at Sparkle Artist na humahawak sa kanyang career.
Diin niya, “I have a rainbow heart, pero mapapakita ko siya in a way na gusto ko.
“Kaya ko pa rin naman makipag-kissing scene sa lalaki. Hindi ko nili-limit ang sarili ko when it comes to my work.”
Read: Klea Pineda, tinawanan ang lesbian issue; Jeric Gonzales, nalampasan ang video scandal
"ALWAYS PROUD OF YOU"
Sa Instagram nito ring Linggo, March 19, short but sweet ang birthday message kay Klea ng kanyang ina na si Charito.
"Always proud" daw si Charito sa anak at mahal niya ito.
Kalakip ng kanyang post ang litrato nila ni Klea na kuha sa birthday celebration ng Kapuso actress.
Mababasa sa kanyang caption (published as is), "Happy birthday my first born always proud of you we love you so much! [kiss and rainbow emoji].
"Sana napasaya ka namin sa araw mo!"
Read: Klea Pineda wishes to become a beauty queen
Agad din itong nireplayan ni Klea.
Aniya, "Love you mommy!!! [LGBTQIA+ flag emoji]."
KLEA POSTS ABOUT HER COMING OUT
Bago umere ang panayam niya sa 24 Oras, nauna nang inamin ni Klea ang pagiging gay sa kanyang Instagram post nitong Linggo.
Ayon sa Kapuso actress, maituturing na mas espesyal ang kanyang ika-24 kaarawan dahil ipinakita niya ang kanyang “authentic self.”
Saad niya, "My 24th birthday is extra special since I finally mustered up the courage to come out to the world as my true authentic self.
"Masasabi ko na ito na ang pinakamatapang na desisyon na nagawa ko sa buong buhay ko.
"I want the world to know that I am a proud member of the LGBTQIA+ community [rainbow emoji]."
Read: Klea Pineda, nao-offend noon kapag tinatanong tungkol sa mga manliligaw
Nais din daw ni Klea na magsilbing inspirasyon sa mga katulad niyang may pinagdadaanan pagdating sa kanilang sexuality.
"I know not everyone will understand and appreciate this decision. But throughout the years, I’ve learned to prioritize the things that give joy and meaning to my life, and revealing my sexuality to the world is a huge part of it.
"By doing this, I hope to inspire and empower others who are still struggling to come into terms with their sexuality.
"Alam ko mahirap at nakakatakot, but please know na walang mali sa atin at walang kulang sa atin kahit pa magpakatotoo tayo.
"Marami man ang manghusga, mas marami pa rin ang tatanggap at magmamahal sa’yo nang buong-buo. Just be the person that your younger self would be proud of!"
Ang paglaladlad daw niya ay hindi magiging hadlang sa pag-abot pa sa kanyang mga pangarap.
Aniya, "My sexuality is just one aspect of my life and it won’t stop me from chasing after my dreams.
"I am still the same Klea that you loved and supported throughout the years. The only difference now is I can proudly say that I’m gay!
"From now on, I want to live my life fearlessly. Sana samahan nyo ako sa paggawa ng sarili kong kwento na alam kong tunay na magpapasaya sa akin."
Dagdag pa ni Klea, "Let’s spread love and empowerment, everyone! And always remember, #LoveIsLove!"