Isang malaking sorpresa ang natanggap ni Chito Miranda mula sa kanyang asawang si Neri Naig.
Binigyan ni Neri ng brand new pickup truck si Chito bilang regalo sa ika-47 kaarawan ng singer noong February 7, 2023.
Base sa Instagram Reels na in-upload ni Neri ngayong araw, February 10, hindi pa rin makapaniwala ang asawa na binilhan siya nito ng brand new pickup.
Matagal na raw kasing pangarap ni Chito magkaroon ng ganitong uri ng sasakyan ngunit mas inuna nila ang mas higit na kailangang gastusin sa pamilya.
Reaksiyon ni Chito, “Bumili ka ng sasakyan?”
Biro pa niya sa asawa, “Ikaw ba magda-down tapos ako maghuhulog? Magkano ba bili mo?”
Sagot ni Neri, “Pinag-ipunan ko yan ng years.”
Ani Chito, “Di nga, talaga? Di ako makapaniwala.”
“Kaya nga surprise,” tugon naman ni Neri.
Caption ni Neri sa kanyang post: “Surprise!!! Happppy birthday, Dad! I love you sooooo much! [heart emoji]
"Bili na tayo ng halaman! [laughing emoji]"
View this post on Instagram
Makalipas ang ilang oras, ibinahagi ni Chito sa kanyang Instagram na imbes na ibili ng sasakyan ang kanyang pera ay mas pinili niyang mag-invest sa mga bagay na may balik na kita.
Sabi ng Parokya ni Edgar frontman, “Niregaluhan ako ni Neri ng bagong sasakyan.[I love you gesture, crying emojis]
“Alam nya kasi na gusto ko talaga magkaroon ng pick-up truck pero di ako bumibili kasi gusto ko unahin yung income generating investments.
“Kumbaga, oks lang ako magtiis sa lumang sasakayan at gamitin yung pera ko on things thay will make me more money, instead of buying myself a new car.
"Delayed gratification.
“Since alam nya na hindi ako bibili ng sasakyan para sa sarili ko, kahit gaano ko pa kagusto magkapick-up, ang ginawa nya, sya nalang ang bumili for me.
“Ako ang tunay na #WaisNaMister”
View this post on Instagram
Walong taon nang kasal sina Chito at Neri.
Read: Neri Naig pens appreciation message for husband Chito Miranda on their 8th wedding anniversary